ESB áróður í auglýsingum

Hann er alveg stórfurðulegur áróður Já sinna í ESB. Að gefa út auglýsingar með staðhæfingum um eitthvað áður farið er að tala saman! 

Hvað er það annað en foráttuheimskt.

Vilji menn hinsvegar henda peningum út um gluggann þá er þeim það leyfilegt en vonandi styrkir ESB sjálft ekki svona auglýsingar (því þjóðin þarf að borga til baka ESB styrkinn). Hvað varð um málefnalega umræður?

 

Jól hjá áróðursmeisturum

Það má segja að nú séu jólin hjá áróðursmeisturum. Allt snýst um að fylgja sér að baki einum málstað - að vera með eða á móti - um það snýst málið. Reyna að sannfæra nógu marga um að þetta sé hið eina rétta. 

Gallinn við það er að þá fær maður ekki upplýsta umræðu sem okkur samt vantar svo bráðnauðsynlega. Áróður um að samþykkja Icesave III hefur verið stöðugur í fjölmiðlum í allan dag en einnig hinna sem ekki vilja samþykkja.

Það versta er að settar eru fram upplýsingar t.d. fjárhæðir þótt enginn viti hvað það þýði. Þetta er engin leið til að meta hvort eigi að samþykkja eða ekki. Einnig að setja upp að samþykkja eða dómstólaleiðina. Það segir okkur ekkert um samninginn.

Málið er bara ef þeir sem vilja samþykkja Icesave III hafa eitthvað að selja þá vinsamlegast seljið okkur það án áróðurs eða spádóma. Þeir sem eru á móti eiga einnig að haga seglum þannig. Það er hið eina rétta.

 

Tré í tilefni dagsins - tré lýðræðisins.

Ákvörðun forsetans var vel rökstudd og veigamestu rökin áttu vel við. Það var ekki nýtt þing sem samþykkti samninginn og hafði því ekki fengið umboð frá þjóðinni.

Alveg sama hver skoðun okkar er á samningnum þá standa þessi rök mjög sterk fyrir því að láta þjóðina um að ákveða þetta. Viðbrögð stjórnarinnar eru líka algerlega út í hött. Ef þau hefðu svona mikið að selja okkur með þessum samningi þá væru þau ánægð með þjóðaratkvæðagreiðslu. Hafa þau eitthvað að óttast? Af hverju gefa þau sér niðurstöðuna fyrirfram?

Mín skoðun er að þjóðin hafni samningnum en það verði mjórra á muninum í þetta sinn.

 

Aldarafmæli Háskólans

Háskóli Íslands er aldargamall í dag og hélt upp á það með fínni kynningu í skólanum. Margt var um manninn og gaman af þessu. 

Nú er bara að halda áfram næstu hundrað árin.

 

Að vera í skugga einhvers

Það er ótrúlegt að fylgjast með þeim sem eru á móti þjóðaratkvæðagreiðslu um Icesave III. Þeir fara hamförum gegn síðunni kjosum.is og sjá svindl í gegnum hvað sem er. Alveg ótrúlegt að fylgjast með þessari vitleysu hjá þeim. Það má með sanni segja að þeir séu í skuggja sjálfs síns að eltast við skugga einhvers sem ekki er til. 

Eins og það hafa farið fram margar undirskriftasafnanir síðustu 2 árin þá hefur enginn sagt neitt um það en núna allt í einu á það að verða eitt allsherjar meiriháttar svindl. Það má með sanni segja að vond ríkisstjórn er toppuð með enn verra stuðningsliði.

 

Flétta

Nú er allt bullandi í fléttum á pólitísku línunni. Það þarf að koma sínu örugglega til skila. Mér finnst þetta vond pólitík og lítt til þess fallin að skila árangri. Allar svona fléttur falla um sjálfa sig og eftir sitja þeir sem byrjuðu hana og fá tvöfalt verra til baka. 

Afleiðing samsæris og fléttu er lúalegt og gerir fólk enn reiðara og fráhverfara því sem til er ætlast af þeim sem koma fléttunni að stað. Hvað er svona hræðilegt við það að þjóðin fái að kjósa um Icesave III? Er það nokkuð vegna þess að þeir hafa ekkert að selja okkur? Þessi þvingun og hraði minnir á fólk sem er á barmi taugaáfalls og hefur ekkert fram að bjóða. Ég vil skapandi fólk til að stjórna landinu en það finnst ekki við Austurvöll.

Mynd af fléttu í tilefni dagsins!

 

Krummi krunkar úti þó Icesave vitleysan sé samþykkt

Lífið heldur áfram þrátt fyrir að Icesave III hafi verið samþykkt á alþingi. Vona bara að forsetinn hafni því að skrifa undir og málið fari í þjóðaratkvæðagreiðslu. Það er eitthvernveginn mun sættanlegra að þjóðin samþykki að greiða þetta heldur en 44 alþingismenn fái að ráða því.

Það er samt athyglisvert hvort þetta sé stjórnarskrárbrot þar sem upphæðin er ekki þekkt. Úr því væri gaman að fá skorið.

 

Framandi og freistandi

Það er alltaf gaman að prófa eitthvað framandi og þar sem ég kemst ekki til útlanda í einni hendingu þá verður bara að styðjast við útlenskar uppskriftir.

Prófaði í kvöld egypskan kjúklingarétt og hann kom bara vel út. Tók þetta úr bókinni Framandi og freistandi eftir Yesmine Olsson. Alveg hægt að mæla með þeirri bók.

  

Orðaleikir

Orðaleikir eru skemmtun en ekki atvinna eins og margir alþingismenn virðast halda. Þetta snýst ekki um að hafa rétt fyrir sér eða snúa út úr sannleikanum. Þetta snýst um að vera sjálfum sér trúr og í dag eru sárafáir þingmenn sem geta sagt það með góðri samvisku.

 

Hreyfing er góð

Það er gott að hreyfa sig og eiginlega nauðsynlegt að gera eitthvað af því daglega. Sjálfum finnst mér best að fara í göngutúra en þegar tíminn er knappur þá þarf að grípa til annarra úrræða. Sipp er öflug hreyfing en eitthvernveginn lítur maður frekar asnalega út meðan á því stendur.