Er forsætisráðherra fjarstýrt?

Eina sem kemur upp í hugann við þetta stórskrýtna svar aðstoðamanns forsætisráðherra er að henni sé fjarstýrt. Að hún geti ekki romsað út úr sér nokkrum setningum um þetta er bara hámark fáránleikans. 

Vissi vel að hún er ekki starfinu vaxin og til vara má velta fyrir sér að utanríkisráðherra hafi ekki látið hana heldur vita. Hvers konar ríkisstjórnasamstarf er þetta þá?

Flokkur fólksins er að láta misnota sig all illilega og mun hverfa af þingi ef ekki verður breytt um kúrs. 

Vonleysi þessarar ríkisstjórnar er algert og virðist engan vegin fær um að koma hlutunum almennilega frá sér. 

Hrun Íslands er yfirvofandi og spurning hvort R.I.P. sé ekki að nálgast. Með svona ríkisstjórn þá kemur ekkert að viti út.

Kristrún tjáir sig ekki um verndartollana í bili

Stenst fullyrðing utanríkisráðherra um utanríkisviðskipti

Hjó eftir því að utanríkisráðherra staðhæfði að 70% útflutnings væri til ESB landa (eða sagði hún Evrópu). Þarna liggur mikill munur því ef hlutfallið til Evrópu þá eru alls ekki öll löndin með evrur eða í ESB. Ál er í dollurum flutt til Hollands sem þaðan er flutt annað. Einnig eru álframleiðendur ekki í íslenskri eigu og við höfum lítið um sölu þess að segja.

Fiskurinn er um þriðjungur útflutnings en mikið magn af því fer til Bretlands sem er ekki lengur í ESB.

Fullyrðingin er mjög hæpin að heimsókn Ursulu sé réttlætanleg út frá útflutningi landsins því megnið af útflutningi er líklega ekki í evrum.

Ef blaðamenn væru aðeins meira vakandi og settu spurningamerki við þessa fullyrðingu utanríkisráðherra þá hefði maður smá trú á fjölmiðlum. Hins vegar lepja þeir allt upp án þess að blikna. Verra er það með þingmenn sem kveikja ekki á perunni.

Biður um fund í atvinnuveganefnd með ráðherra

ESB sæluríkið sem hafnar eigin stjórn þjóðríkja á sínum málum

ESB blautir draumar ríkisstjórnarinnar, sem sagði málið ekki á dagskrá fyrir kosningar, eru uppfullir af innantómum frösum eins og að þjóðin sé hlynnt þessu. Þetta var ekki á dagskrá fyrir kosningar og þjóðin hefur ekkert fengið að segja um þetta (fyrir utan ónothæfar skoðannakannanir). 

Skoðum aðeins ESB 

Þjóðríkið

Stefnan er að hafa þetta eins og í Bandaríkjunum nema að völdin eru alltaf minnkuð hjá hverju ríki. Þannig var Belgía án ríkisstjórnar í 1 og hálft ár án þess að nokkur hafi tekið eftir því. Núna er Holland án ríkisstjórnar og enginn hefur orð á því. Þjóðríkið er að hverfa til skriffinna í Brussel, alræðisstjórn kemur innan ákveðins tíma. Enda er Kína fyrirmyndin.

Greiðslur til ESB

Nú var að koma út ný fjármálaáætlun hjá ESB. Stjarnfræðilegar upphæðir sem setja skuldug lönd í enn verri stöðu. Þannig hefur LePen sagt að minnka ætti framlag til ESB en skv áætluninni þarf að auka greiðslur. Þjóðverjar kvabba einnig en verður nokkuð á það hlustað.

Margir ESB sinnar tala um styrki en það er alveg ljóst að það er bara tilflutningur á fé því landið mun alltaf borga meira en fær í styrki.

Vextir

Vextir eru ekki fastir eins og margir halda í umræðunni. Þeir eru alls ekki lágir í sumum löndum og það á við um jaðarlöndin eins og Ísland er. Það er einungis óskhyggja að ætla að vextir verði svo lágir hér á landi.

Skuldir og evran

Flest þjóðríkin í ESB eru verulega skuldug og sum meira en Ísland. Sumir halda því fram að evran sé einhver undragjaldmiðill sem er svo stöðugur að gengið sé stöðugt. Hvers vegna hefur þá evran lækkað um 5% gagnvart krónu á einu ári? Enn og aftur óskhyggja um gjaldmiðla. Til að mynda eru skuldir Ítalíu svo miklar og líklega fengju þeir ekki að taka upp evru í dag ef þeir væru að óska eftir því.

Tollar og fiskveiðar

Ísland myndi missa alla stjórn á tollum og stjórn á fiskveiðum við landið. Ein stærsta blekkingin með veiðigjöldum er að halda því fram að hægt sé að sækja þessar tekjur til fyrirtækja, sem eru niðurgreidd, til evrópu. Ekkert er meira fjarri lagi. Í raun missir landið alla stjórn á öllum málum sem viðkoma landinu en borga skaltu.

Landsbyggðin

Sumir halda því fram að með styrkjum þá hagnist landsbyggðin. Hins fer voða lítið fyrir því að landsbyggðin í Svíþjóð og Finnlandi hafi það svo miklu betra áður en löndin fóru í ESB. Þetta er svona mýta um að fá allt fyrir ekkert með styrkjum.

Niðurstaðan

Að halda því fram að Ísland hafi það betra í ESB er ekkert annað en óskhyggja sem byggir engan vegin á staðreyndum. Landið mun verða fátæk ruslakista fyrir ESB sem mun gera lítið annað en að skemma landið með vindmyllum og þurrka upp fiskimiðin.

Von der Leyen kvaðst ekki kannast við kröfuna

Gaspur utanríkisráðherra

Hún telur sig svo vita að taka mark á skoðannakönnunum og staðhæfa að þær sýni einhvern meirihluta. Eftir snuprið á lokadegi þar sem enginn tók undir "vinna saman" með henni þá auðvitað þarf hún að gaspra á öðrum stöðum. 

Ruglið um viðræður er auðvitað helber blekking sem á eftir að skýra betur fyrir þjóðinni. Að halda því fram að þjóðin vilji fara í brennandi hús er galið og hlutunum snúið á hvolf. 

Satt að segja man ég ekki eftir að utanríkisráðherra hafi gert eitthvað viturlegt allan sinn þingtíma. Meira svona gaspur án innihalds.

Nei takk ESB!

Segir Íslendinga vilja aðildarviðræður við ESB

Ömurlegasta ríkisstjórn sögunnar verður enn verri

Hvernig það er hægt að stjórna enn verr en Jóhönnustjórnin er mjög sérstakt. Málflutningur Sigmars í fréttinni sem fylgir lýsir vel þroti þessarar stjórnar að stjórna einhverju. Það skal koma þessu áfram sama hvað tautar. Í lagi ef einræði er staðan en ekki lýðræði.

Athyglisvert er að öll kommendakerfi eru uppfyll af stjórnarliðs stuðningsmönnum að tjá innantóma frasana aftur og aftur. Gera sér enga grein fyrir hvaða afleiðingar frumvarpið hefur. 

Ljóst er að skattabrjálæðið er bara að byrja og hér verður varla líft innan fárra ára fái þessi óáran að halda áfram. Kannski hætta þá flóttafólkið að láta sjá sig enda allir að lepja dauðan úr skel, þingmenn líka. 

Orðræða stjórnarliða er líka á slíku plani að halda mætti að þau séu í morfískeppni unglinga sem skilja illa hvernig lífsins gangur er. Stóryrðin eru slík að annað eins hefur ekki sést á lýðveldistíma. 

Hef sagt lengi að forsætisráðherra er enginn stjórnandi. Í dag sýndi hún hversu vondur stjórnandi hún er og lætur aðra teyma sig á asnaeyrum. Mér er spurn hvernig fer eiginlega þegar umræður um fjárlög fara fram?

Þjóðin þarfnast fólks sem kann að stjórna.

Öllum ljóst að þetta gæti orðið niðurstaðan

Bjánaleg spurning í könnun gefur kjánaleg svör

Það er ekki við svarendur að sakast heldur framkvæmd könnuninnar. Líkt og með allar kannanir í dag þá er framkvæmd slök og spurningar þaðan af enn verri. Hef í gegnum árin tekið þátt í könnunum og reynslan er að spurningarnar verða alltaf lélegri með árunum.

Í þessu tilviki er spurt um afstöðu með eða á móti. 

• Var spurt hvort viðkomandi hafi kynnt sér frumvarpið
• Var spurt hvort viðkomandi teldi þetta leiðréttingu eða skatt
• Var spurt um hvort viðkomandi hefði hugað af afleyðingum frumvarpsins

Eina sem má lesa úr niðurstöðum er að kynin segja þetta og að það fer eftir flokkum hvernig er svarað. Allt annað er bara bull og þvæla.

Oft eru spurningar þannig að maður spyr sig hvort enginn lesi þetta yfir.

Það er ekki hægt að segja hvar viðkomandi býr því eftir skráningu kemur ekkert fram hvort upplýsingar um flutninga séu gerðar.

Blaðamenn í dag lepja svona vitleysu upp án þess að setja nein spurningamerki við þetta. Líklega af því að þeir fá borgað fyrir að skrifa en ekki efast um innihaldið. 

Sem sagt ómarktæk könnun sem notuð er í pólitískum tilgangi.

 

Aðeins 17% þjóðarinnar andvíg veiðigjaldafrumvarpinu

Er bygging vindmylluorkuvers minniháttar umhverfisáhrif

Sú furðulega staðhæfing í fréttinni að bygging vindmylla hafi minniháttar umhverfisáhrif er erfitt að trúa. Í fyrsta lagi þá er þetta 167,5 metra hátt sem er 2 og hálfur Hallgrímskirkjuturn sem sést mjög vel ofan af Kjalarnesi í meira en 10 km fjarlægð. Auk sjónmengunar þá er hljóðmengun, olíumengun, plastmengun og ónýtanlegur jarðvegur við byggingu vindmyllna.

Hvernig hann fær út að steypuklumpar í jörðu séu minniháttar umhverfisáhrif er mjög skrýtið og ekki síður uppbygging vega til að koma þessu á áfangastað. Þegar Kárahnjúkavirkjun var gerð þá tók rúmt ár að byggja upp veginn í gegnum Fagradal, leiðin er um 45 km frá Egilsstöðum til Reyðafjarðar. Í þessu dæmi er verið að tala um 118 km sem fer að stórum hluta um þjóðveg 1. Hvernig ætlunin er að beygja í 90° beygju í Borgarnesi kemur ekki fram. Líklega loka þeir bara bænum á meðan.

Þegar Færeyingar settu upp 100 metra vindmyllur hjá sér þá var það meiriháttar mál að koma þessu á staðinn. Hér er verið að tala um enn stærri vindmyllur að fara í gegnum bæjarfélag og fjölmennar leiðir á þjóðveginum. Fyrir utan það að vegurinn um Dalina er mjög illa farinn og þarfnast algerar uppbyggingar. Hver á að borga þá uppbyggingu?

Óraunsæið og blekkingar í þessum áformum er slíkt að nær væri að taka menn inn á teppið og gera þeim grein fyrir hverjum kostnaðalið sé á þeirra kostnað en ekki skattgreiðenda. Þetta á við um frá kaupum, flutningum, uppbyggingu, jarðraski, mengun, tengivirki og án efa fleiri þátta.

Vilja reisa 167,5 m háar vindmyllur

Leiðrétting á heimsku

Það er vonandi að alþingismenn sjái að sér og læri að taka odd af oflæti sínu og fari eftir lögum. Samkvæmt lögum eiga þeir að vera í sumarfríi. Veiðileyfagjaldið, sem kallað er leiðrétting, er gott dæmi um leiðréttingu sem þarf gagnvart heimsku. 

Heimsku í skattheimtu sem tók stórt stökk með Jóhönnustjórninni. Leiðrétting á skattabrjálæði hennar hefur ekki enn farið fram og líklega þáttur í af hverju Sjálfstæðisflokkurinn nær engum áttum. Það þarf að leiðrétta skattana ef ekki á allt að fara í skrúfuna. Veiðileyfagjaldið er svo arfaheimsk skattheimta að tal um leiðréttingu er álíka mikils virði og niðurgangur. 

Að alþingismenn sjái ekki að þessi sífellda aukna skattheimta leiðir til stöðnunar er mjög skrýtið og varla hægt að orða annan en heimska. Rakst á fína grein um gervigreind á visi.is þar sem tæknimenntanuður lýsir fyrirbærinu. Ég hef skrifað á sömu línu en þessi grein og vísun í aðra lýsir vel tæknihliðinni á málinu. Til að mynda kallar hann gervigreindaforrit snjallþumbara.

Þumbarnir á alþingi eru eins og gervigreindaforritin. Þau læra eitthvað en virðast engan vegin geta greint hversu vitræn niðurstaðan þeirra er. Þannig er hent út öllu án sýju eða reynt að fá betri skilning á efninu. Hvernig þeir taka sífellt meira fé til sín í formi styrkja og launa sýnir vel hversu illa er unnið með efnistök.

Hið mannlega leysir þumbann oft með tímanum en samt hefur sagan kennt okkur að þumbinn verður ofan á með tilheyrandi afleyðingum.

Spennufall á Alþingi og þinglok nær

Að samsama sig ómöguleikanum

Pólitíski veruleiki vesturlanda er að samsama sig ómöguleika, einhverju sem leiðir þig að endamörkum eða er ekki til. Þannig er hægt að nefna fjölbreytileika í gegnum fána, loflagsmálin, flóttamannaaðstoð, stuðningur við Palestínu og fleira.

Allt þetta hefur þann samnefnara að vera ómöguleiki varðandi fjölgun þjóðfélaga því þau leiða ekki til samstöðu heldur sundrungar. Tökum Palestínu sem dæmi að aðrar þjóðir nálægt, fyrir utan Írani og Ísreala, vilja ekki sjá þetta fólk. Öll önnur lönd loka á flóttamenn og halda fólkinu inni á svæðinu. Ómöguleiki vestrænnar pólitíkusar er að sjá þetta og halda að þeir taki upp vestrænan ómöguleika, hætti að kúga samkynhneigða og konur. Ekkert er meira fjarri lagi og því er flaggið við ráðhúsið ansi lélegur afleikur. 

Flóttamenn sem hingað koma fara margir í vinnu en margir eru ekki að læra málið og það er engin krafa gerð um það. Á endanum endar það auðvitað með fjölda tungumála í landinu með tilheyrandi vandræðum. 

Fjölbreytileiki fæst ekki með fána eða skipta um kyn. Fjölbreytileikinn hér á Íslandi áður fyrr var meiri en nú enda reynt að steypa öllum í sama horf. 

Loftlagsmálin geta aldrei verið bundin við eitt landsvæði eða heimsálfu. Þannig er staðan að meirihluti heimsins tekur ekkert tillit til loftlagsumræðunnar. Við það er málið dautt í sjálfu sér. Það er frekar auðvelt að færa rök fyrir því að loftslagið sé síbreytilegt og að maðurinn komi þar hvergi nærri. Ekkert frekar en með lífið í sjónum og fuglana að þá eru oft aðrar þættir sem skipta meiri máli við fækkun stofna en að maðurinn nýti sér þetta til matar.

Hin þrönga sýn að maðurinn sé alvitur, líkt og sumir halda að gervigreind sé, er lykilþátturinn í samsama sig ómöguleikanum. Vitneskjan um líf á jörðinni er svo lítil að líklega mætti líkja því að vita um eitt sandkorn. Því vitneskja er ekki línuleg heldur hefur sveiflast í gegnum tíð mannsins á jörðinni. Við getum deilt um á hvaða leið vitneskjan er í dag.

Veldur gervigreind geðrofi og takmarkaðri sýn á heiminn

Ný rannsókn sem rt.com sagði frá segir að gervigreind hafi valdið geðrofi hjá einstaklingum sem ekki sýndu nein merki um geðveilur á neinn hátt. Kemur mér ekki á óvart því miðað við allar yfirlýsingar þá er gervigreind ofmetið fyrirbæri. Inn í það kemur ákaflega takmörkuð sýn á heiminn þar sem haldið er því fram að gervigreind yfirtaki nánast öll störf í heiminum.

Orðið gervigreind er yfirheiti yfir marga ólíka hluti sem hægt er að gera í tölvu. Þannig er mikið talað um gervigreind þegar talað er um sjálfvirkni. Margt er því óljóst um hvað gervigreind snýst nákvæmlega og til að mynda ChatGDP og álíka forrit eru meira sem leiktæki en sé verið að nota í raunveruleikanum.

Ellið Vigfússon kom með ágætis yfirlit yfir á visi.is um arðsemi fyrirtækja. Þar kom í ljós að arðsemi tölvufyrirtækja er frekar lág eða um 3% sem ýtir undir hvað er orðið erfitt að selja hugbúnaðar og tæknivörur. Þess vegna þarf nýtt yfirheiti eins og 4ja iðnbyltingin eða gervigreind sem er mjög grípandi.

Þetta er samt engin lausn fyrir hugbúnaðar- og tæknifyrirtæki því heimsmyndin á bakvið er svo þröngum ramma sett. Í stærðfræði er 1+1 alltaf 2 en ekki eitthvað annað. Ranghugmyndin um að hægt sé að fá út 3 eða eitthvað annað þegar 1+1 er lagt saman er of augljós. Á bakvið reikniverk gervigreindar liggur engin dýpt og þaðan af síður tilfinningar. Hvort tveggja þarf til að stíga skref fram á við en leiða má fyrir því sterk rök að við séum að taka skref til baka með samfélagsmiðlum sem stórt samskiptakerfi.

Ranghugmyndir hafa aukist verulega eftir því sem beinum samskiptum minnkar. Að fjölmiðlar séu að vitna í samfélagsmiðlaskrif, eða nota tölvupósta, til að skrifa efni kemur bersýnilega í ljós hversu yfirborðskennt flest efni verður. Það vantar alla dýpt í skrifin. Það er enn hægt að finna efni með dýpt en til þess þarf að leita vel og sífellt fleiri nenna því ekki og láta mata sig af yfirborðskenndu efni.

Gervigreind er ekkert að fara yfirtaka flest störf (enda alger þversögn í sjálfu sér). Nothæft tæki til að koma manni af stað eða stytta ferli í mesta lagi. Hversu mikið það stelur af þínum gögnum á sama tíma er nokkuð sem notandi ætti að hafa í huga.

Róbótar framtíðarinnar er fólkið sem lætur slík tæki móta líf sitt.