Trúur Kristrún að þetta séu viðræður

Líklega hefur hún ekki kynnt sér aðildarferlið að ESB. Nema hún ljúgi að vita ekki að þetta er innleiðing regluveldis sambandsins. Kæmi ekki á óvart miðað við stjórnarfar hingað til.

Lítur ekki út fyrir sanngjarna þjóðaratkvæðagreiðslu því hún er byygð á lygi.

 

 

Tvöföld þjóðaratkvæðagreiðsla um ESB

Hlýðið Víði - aka hlýðið ríkisstjórnni - hún inniheldur Víði

Eitt sinn datt einhverjum í hug að búa til boli með áletruninni Hlýðið Víði þegar Covid var frekar stutt á veg komið. Nú vill ríkisstjórnin, með Víði innanborðs, að þeim sé hlýtt og öllu mokað í gegn burtséð frá því hvort það sé boðlegt að samþykkja. 

Þessi þráhyggja með bókun 35 er frekar skrýtin. Björn Bjarnason vill meina að hún sé þegar til staðar en samt vill enginn annar kannast við það. Landráðsákæra á hendur Þorgerði vegna frumvarpsins var úthýst af Spanó því ekkert í frumvarpinu benti til landráðs. Líklega hefur hann ekki lesið bréfið sem var sent. Samt með hans orðum þá virðist þingmönnum leyfilegt að setja hvað sem er í frumvarp og það verði bara að skoða eftir á hvort standist stjórnarskrá. Frekar furðuleg yfirlýsing. 

Glundroðin er augljós og þegar formenn láta ekkert í sér heyra þá bendir það til mikillar sundrungar en ekki samheldni eins og sífellt er verið að reyna telja okkur trú um.  Þjösnagangurinn og hrokinn í ráðherrum Viðreisnar er slíkur að þjóðin hefur ekki áður orði vitni af í slíkum mæli. Samt þegir forsætisráðherra sem kemur mér ekki á óvart enda tækifærissinni og vita vonlaus stjórnandi.

Guðrún: „Upplausn á stjórnarheimilinu“

Eðilegt að utanríkisráðherra sé við þinglok er hennar mál er rætt

Hennar eina mál er reyndar bókun 35 en hún getur ekki tekið þátt í þeim því hún þarf að leika sér í útlöndum. Það er mikilvægara en að sinna starfi sínu. Svo eru þingmenn hissa á að virðing fyrir störfum þeirra sé við frostmark. Farið að vinna vinnu ykkur og sinna henni eins og annað launafólk þarf að gera. 

Reyndar má sjá ljós við að hún sé að leika sér í útlöndum að á meðan gerir hún ekkert af sér eins og skrifa undir plögg án þess að láta nokkurn vita fyrirfram. Vinnubrögð hennar eru út úr kortinu.

Reyndar á það við um alla stjórnina sem virðist ekki vita hvernig á að vinna mál í samvinnu eða með traustum aðferðum. Flumbrugangurinn er svo mikill.

Vonlaus stjórn.

„Eðlilegt að utanríkisráðherra eigi samtal við þingið“

Hafró neitar að nota gögn frá fiskiskipum

Það er alveg skiljanlegt að útgerðamenn og sjómenn setji spurningar við aðferðir Hafró því þeir neita að nota gögn frá fiskiskipum. Flest ef ekki öll fiskiskip í dag eru með tölvur til að sjá samsetningu aflans. Ef of mikið er af litlum eða stórum fisk þá er leitað annað. Þessi gögn vill Hafró ekki sjá. Ekki einu sinni sem viðmið um hvernig miðin eru. 

Nei þeir halda að þeirra eigin skip geti sinnt 700 þús ferkílómetrum til að sanna hvað er mikið magn af fiski í sjónum. Ein af stóru gagnrýnunum á Hafró var að þeir skoða ekki innihald maga fiska því ef ekkert er ætið hvað á fiskurinn þá að vera gera þar. Alveg eins og mannfólkið að þegar ætið er farið þá leitarðu annað. Fiskurinn hagar sér nákvæmlega eins nema í aðferðum Hafró þá er fast í sama farinu. Jafnvel þó ýsa finnist allan hringin kringum landið þá er talið að aðalæxlunarstöðvar séu sunnanlands.

Aðaferðir Hafró er eitthvað sem þarf að leysa upp og finna nýjan grundvöll að rannsóknum á magni fisks í sjónum kringum landið.

Lýsa efasemdum um ráðgjöf Hafró

Kominn tími á að slökkva á sjálfstýringu alþingismanna

Kæran er athyglisverð þar sem lögin hafa ekki enn verið samþykkt en inntakið er gott. Það verður að útkljá hvenær er verið að vinna eftir stjórnarskrá landsins. 

Núverandi ríkisstjórn, sem kallar sig verkstjórn, heldur að það þurfi ekkert að vinna með öðrum og hvað þá að hlusta á þjóðina. Þau vita allt betur og okkur ber bara að hlýða. 

Andsvar Þórdísar sýnir hverjir eru í raun hræddir. Allt tal ESB sinna um þjóðaratkvæðagreiðslu hefur verið mantran "við hvað eru þið hrædd". Raunveruleikinn er sá að þetta fólk er hrætt og telur sig vinna vel fyrir þjóð með að valta fyrir hana. Hlusta ekki á mótraddir er rök um hvort ekki sé betra að vinna málið betur. 

Listinn er langur og lengist á hverjum degi. Sömu vinnubrögð eru höfð uppi á borðum. Þess vegna er kæran athyglisverð en mér segir svo hugur að vók ríkissaksóknari vísi henni á bug. Kerfið ver sig út í hið óendanlega. 

Samtökin Þjóðfrelsi kæra utanríkisráðherra fyrir landráð

Trúarbrögð hitamæla

Í allri umræðu um loftlagsvá þá er einhver óskýranleg trú í kringum hitamæla. Að þeir geti sagt okkur svo mikið hvað sé að gerast. Ekki er annað hægt en að kalla þetta trúarbrögð.

Sífellt fleiri átta sig á því að hitamælir fyrir einni öld segir ekki það sama og hitamælir (hitamælar) á sama stað. Hvers vegna? Jú vegna breytinga sem eiga sér stað í umhverfinu þe. byggingar, gróður og fleira. Hið rétta er líka að saga hitamæla í eina til tvær aldir segir ekkert til um hvað gerðist fyrir 10 til 20 öldum. Hvað þá að hafa eitthvað spágildi til framtíðar. 

Þess vegna er ekki hægt að tala um loftlagsvá því við einfaldlega vitum ekki nóg til að segja til um hvað er að gerast. Ljóst er þó að hitamælar eru lélegir mælikvarðar á loftlagsmál. Nú t.d. sendi visir.is grein um maí hitann en sagði ekkert um júníkuldann. Sagði ekki heldur að það væri vitað um svipað ástand áður þó hitamælar hafi sett met. Tölfræði gefur okkur vísbendingar en er enginn sannleikur. 

Eins og venjulega þá eyðileggur marxísk pólitík alla skynsemi í kringum umræðuna. Líkt og með skattana þá er bara tekin ein breyta og haldið að hafi engin áhrif á neitt annað. Leiðrétting veiðileyfagjalda er brennd þessu marki enda útreikingar þar alltaf á pari við fallista í stærðfræði. Fyrir utan hina ósanngjörnu leið sem farin er þe. ekki gefið út frá magni.

Hin eyðileggjandi mynd marxismans er í allri pólitík á Íslandi og er enginn flokkur undanskilinn henni. Hrunið í kringum stjórnkerfi byggt á marxisma kemur alltaf út frá því að halda að ein breyta hafi ekki áhrif á aðrar breytur. Enn verra er þegar haldið er að nóg af peningum sé til að framkvæma allar hugdettur.

Trúarbrögð hitamæla er marxismi af verstu gerð.

Rokreitir til að kyrrsetja líf

Nú hefur bæjarstjórn Kópavogs samþykkt deiliskipulag fyrir Fannborgarreit þar sem reisa á 5 hæða hús og hærri. Með því segjast þeir vera styrkja miðbæ Kópavogs. Þeim er sama vorkunn og Reykjavíkurborg að halda að styrkja svæði felist í að byggja sem mest með hellulögnum sé svo eftirsóknavert. 

Hins vegar er þetta allt opið í norðan og vestan átt sem þýðir að þarna verður alltaf rok, svipað og með sólartorg í Reykjavík. Kalt steypt í mót þar sem fólk lætur varla sjá sig. Hvernig pólitíkusar stinga hausnum alltaf í sandinn er mér borin von að skilja en þeim er allskoatar hæft að læra af mistökum hvers annars. Frekar að gera meira af því sem hinn gerði og halda að það fáist önnur niðurstaða. 

Þetta skipulag öskrar á mistök. Eins áður segir opið fyrir vindi, líklega fá bílastæði og umferðin á að fara hvert. Nóg er nú fyrir þarna en samt á að auka umferðina. 

Til að efla líf þarf að vera aðstaða fyrir atburði og það nægir ekki einn tónleikasalur. Það þarf líka að bjóða upp á hið hráa t.d. rokktónleika. Reykjavíkurborg hefur ýtt öllu svoleiðis í burtu og í dag er örfáir staðir sem bjóða upp á lifandi tónlist. Það sýnir sig líka að fæstir vilja hafa háværa viðburði í bakgarðinum og nægir þar að nefna kvartanir fólks í 101.

Tölum nú ekki um stafrænar afþreyingar sem veldur því að enn minni ástæða er til að fara út. 

Pólitíkusar þurfa að fara að læra, taka eftir því sem fólk segir og hætta að halda að þeir viti betur en almenningur. 

Forsætisráðherra fer með fleipur

Hún reynir að afvegaleiða málið með að segja þetta hafi verið upplýsingar en því miður þá má Víðir ekkert gefa upplýsngar um þetta mál. Svona fleipur af forsætisráðherra er óviðeigandi og algerlega rotið að nota þetta.

Hins vegar var svo sem ekki við öðru að búast að hún styddi samherja sinn í að bregðast í störfum sínum. Henni finnst ekki tiltökumál að framkvæma allt annað en sagt var í kosningabaráttunni. Segi það enn einu sinni tækifærissinnar eiga ekki að stjórna.

Það er engin spurning Víðir braut lög og ber að víkja úr nefndinni, helst af alþingi líka. Hefur greinilega ekkert fram að færa nema kerfislega vitlaysu.

Kristrún: „Stór orð látin falla“

Slökkva þingmenn á skynseminni eftir kosningar?

Þetta er alveg rétt hjá Guðrúnu að afskipti Víðis eru óeðlileg eða rétta sagt lögbrot. Það er ekki alþingis að sinna framkvæmdavaldi eins og Víðir er að gera. Þannig er ég ósammála Guðrúnu að alþingi eigi aðeins að veita ríkisborgararétt með undantekningum. Hið rétta er að alþingi á ekkert að koma nálægt því. 

Sagan sýnir okkur að þetta hefur verið ítrekað misnotað og háværa liðið í fjölmiðlum með tilfinningaklámið fengið fáránlega hluti í gegn. Staða þessa drengs er vond en það er fullt af öðrum börnum í Kólimbíu sem hefur það einnig vont. Er ekki viðbúið að við fáum holskeflu af ungum drengjum frá Kólimbíu næstu árin?

Allir eru búnir að gleyma þegar albanísk fjölskylda fékk landvistaleyfi út á grátkór háværa liðsins. Eftir það kom holskefla af Albönum og það þurfti sérlög til að skrúfa fyrir þetta. Endurtekning á lélegum stjórnvaldsaðgerðum virðist vera vaninn hjá þingmönnum á þessari öld. Framkvæmt án allrar hugsunar og skynsemin látin róa. Svo þegar allt er komið í óefni þá ber enginn ábyrgð.

Það er ekki bara Víðir sem hefur slökkt á skynseminni svo virðist sem flestir stjórnarliðar vita ekki hvað orðið þýðir og getir haga sér eins þeim listir. Þótt skoðannakannanir sýni fylgi þá er það ekki þjóðin sem stjórnarliðar leyfa sér að taka í óæðriendann með tilþrifum.

Guðrún: Afskipti Víðis óeðlileg

Kvótakerfið er ekki sjálfbært og getur aldrei verið það

Marxíska notkunin á hugtakinu sjálfbærni í pólitík hefur í raun ekkert með sjálfbærni að gera. Hugtakið er fengið úr líffræði þar sem tekið er ákveðið vistsvæði og sýnt fram á sjálfbærni þess. Þannig getur maðurinn lifað á vistsvæði og með hóflegri nálgun viðhaldið sjálfbærni.

Kvóti á veiðar í sjó snúast ekki um vistsvæði enda er vistsvæði þorsksins eða betra taka ufsa langt frá því að vera innan 200 mílna. Hins vegar má Hafró aðeins vinna innan 200 mílna og byggir veiðiráðgjöfina á því. Sem segir okkur það að sjálfbærni á ekki við um fiskinn í sjónum því hann er ekki innan ákveðins vistsvæðis.

Allt tal um sjálfbærni veiðistofnsins er bara marxísk nálgun á stjórnun. Halda að þeir séu guðir sem viti allt um allt og geti þannig sagt okkur hvað mikið magn af fiski er í sjónum. Hins vegar hefur Hafró aðeins tvö skip til umráða sem sigla um og kanna miðin. Á yfir 700 þús ferkílómtrum segir það sig sjálft að það er aðeins verið að skrapa yfirborðið. Ekkert ósvipað og gervigreindaforritin eru að gera, yfirborðskennt kjaftæði sem skortir alla dýpt.

Þetta að festa einhvern dagafjöld er frekar skrýtið en að veitt sé 30 þús tonn hefur bara engin áhrif. Aðferð Hafró er svipuð og excel útreikningum þar sem allt á að vera línulegt upp á við en raunveruleikinn er oft í öfuga átt. Tölfræði vinnur svo illa með sveiflur og því þarf að lesa vel í öll tölfræðigögn reglulega. Tölfræðigögn fortíðar segja ekki endilega um framtíðina en geta gefið vísbendingar. Aflamarksreglan brýtur þetta lögmál tölfræðinnar og er því í raun ónothæft fyrirbæri.

Þessi deila er gott dæmi um hvaða ógöngur marxískar reglugerðir eru komnar út í fyrir þjóðina.

Smá viðbót til að hugsa um: Hver talar um samfélagslega ábyrgð í dag?

„Ég er bara að ganga skrefinu lengra“