Innihaldsleysi í vestrænni pólitík

Það að banna gosdrykki hefur afskaplega lítinn tilgang nema til að auka hreysti Rússa. Hins vegar endurspeglar það vel innihaldsleysi globalista og vestrænnar pólitíkar. Eitthvað sem skiptir engu máli er tekið eins og það skipti öllu máli í samhenginu.

Það að USA hætti að kaupa olíu án þess að auka sína eigin framleiðslu endurspeglar þetta einnig. Að hætta án þess að koma með neitt í staðinn er aðgerð sem hittir þig sjálfan verst. Endurspeglar best hversu galin pólitík er rekin í USA þessa dagana.

Upplýsingaóreiðan er einnig afgerandi í kringum þetta stríð þar sem engu er hægt að trúa að einhverju viti. Gerspillt stjórnvöld eru látin gráta krókudílatárum og vesturlönd eiga að spila með en hver ber ábyrgð á að auka spennuna á svæðinu? Það er ekki endalaust hægt að taka án afleiðinga.

Eina sem hægt er að vona að þetta verði stutt stríð en nokkuð ljóst er að Úkraína er í vonlausri stöðu. Vesturlönd munu ekki koma til hjálpar nema að orðinu til en einungis spurning hvernig og hvenær uppgjörið verður.

Rússar sviptir kóki og pepsí