Umhverfisótta pælingar veðurstofustjóra

Visir.is er vissulega vinstri útgáfa og farið enn lengra í þá áttina eftir að Sigmundur gerðist ritstjóri. Í viðtali í gær við veðurstofustjóra þá kom sami söngurinn og búið er að fara með í 20 ár og nánast bergmál úr mynd Al Gore's frá því um aldamótin.

Velta má fyrir sér áreiðanleikanum í því sem staðhæft er í viðtalinu en flest gengur út á óttaspá um hækkun sjávar. Hins vegar virðast skipulagsyfirvöld í heiminum ekkert taka mark á þessu og byggja grimmd við sjóinn með fyllingum. Ef viðtalið væri svona marktækt hvar hafa þá skipulagsyfirvöld eiginlega verið?

Ekki það að samkvæmt venjulegri hringrás veðurs, sem kennd var í skólum, þá gufar vatn upp og kemur aftur niður. Með hækkandi hitastigi þá er meiri uppgufun þannig að hvernig hækkar sjávaryfirborð ef hitastigið er ekki almennt að hækka eins og gefið er til kynna. Hvað ef hitastigið tæki upp á því að lækka aftur, hvað þá?

Staðreyndin er sú að við vitum afskaplega lítið um veðurfar á jörðinni og þær sveiflur sem telja má til ára, tuga ár, hundruð ára, þúsunudum ára og jafnvel miljónum. Þegar hitagröf eru skoðuð þá sést svo vel að lítil breyting er frá 1945 en samt vilja spámennirnir alltaf miða við 1880 eða þar um kring þegar kaldast var. Líklega vilja þeir harða frostavetur og stutt sumur.

Í viðtalinu talar hann um að jöklar séu að hverfa í evrópu en miðað við að Vatnajökull var í tvennu lagi fyrir um 1000 árum, má þá ekki áætla að fáir jöklar hafi verið í evrópu yfir höfuð á sama tíma?

Ein pæling að lokum: Ef sjávaryfirborð hækkar á kostnað landrýmis ætti þá ekki að kólna á jörðinni? Samaber það er kaldara á opnu svæði og yfir sjó en á landi. Hvaða áhrif hefur það á pælingar veðurstofustjóra?

Athugasemdir

[Ásgrímur Hartmannsson, 31.8.2022 kl. 16:55]

Loftslagsspekin er eins og flatjarðar kenningin.

Því meira sem þú pælir í henni, því minna vit er í henni.

[Rúnar Már Bragason, 31.8.2022 kl. 17:55]

Nákvæmlega Ásgrímur. Þversagnir og segja hamfarahlýnun í dag en fyrir 40 árum var það ísöld. Hvað næst?