Vill einhver skattadrottninguna Kristrúnu?

Það er alveg með ólíkindum að lesa þetta að setja eigi auðlyndaskatt á orkumál, ferðamál og fiskeldi. Með öðrum orðum það á að drepa niður frumkvæðið í þessum málaflokkum.

Kristrún, framagosi, áttar sig ekki á því að það eru neytendur sem borga þennan skatt og engir aðrir. Heldur hún virkilega að þótt settur sé auðlyndagjald á orkumál að það fari ekki út í verðlag?

Framsaga hennar virðist engann veginn átta sig á því að þegar lagt er gjald á einum stað þá tekurðu frá öðrum. Aukinn skattur þýðir bara að fólkið í landinu hefur minna á milli handanna. Geggjuð framtíðsýn, ekki satt?

Fiskeldi í fjörðum hefur verið umdeilt og sagan frá Noregi er tvíbendin. Miðað við hversu auðvelt er að ná í sjó og nóg af landrými þá er frekar óskiljanlegt af hverju er ekki meira af landeldi. Dýrari fjárfesting en á sama tíma meira öryggi er varðar hvort fiskar sleppa úr kvíunum.

Í mínum huga er nóg komið af skattaæði stjórnmálamanna á Íslandi. Að setja það í búning auðlyndagjalds er lélegur feluleikur sem skilar sér illa til almennings.

Auðlindagjald á ferðaþjónustu, orkuvinnslu og eldi

Athugasemdir

[Guðbjörg Snót Jónsdóttir (IP-tala skráð) 17.10.2024 kl. 17:23]

Ekki ég. Einhvers staðar sá ég ritað, að hugsanlega muni Dagur B. fara í landsmálin. Ég segi nú bara: Guð forði þjóðinni frá því að þau sigri þessar kosningar. Dagur hefur nú þegar sett Reykjavík alvarlega á hausinn fjárhagslega séð. Hjálpi mér, ef hann færi í landsmálin og setti land og þjóð á hausinn líka. Eins og stendur, þá lítur út fyrir, að einhverjir græningjar ætli sér að koma þeim, eða a.m.k. Kristrúnu í ráðherrastólinn. Ég segi ennú aftur; Guð forði þjóðinni frá því að þetta fólk taki við stjórnartaumunum hérna. Við Reykvíkingar höfum nú fengið nóg af óstjórn Dags og kó og hallarekstrinum á borginni, svo að Einari Þorsteinssyni ofbýður að sögn, þó að slík óstjórn komi ekki yfir landið allt að kosningum loknum, og Ísland verði á sömu sveitinni og Reykjavík er í dag. Þetta fólk er algerlega glatað. Þá eru núverandi stjórnarflokkar þó skömminni skárri. Ég segi ekki meira.

[Ásgrímur Hartmannsson, 17.10.2024 kl. 19:34]

Hún fer bara eftir forskrift. Þetta er gamalt plan, framkvæmt allstaðar eins.  Fyrst þvinga þeir fyrirtækin í þrot, og svo bjóða þeir þeim styrki.  Þannig eignast ríkið fyrirtækin, án þess að beint leggja þau undir sig.

Friðsamari leiðin til þess að koma á fasisma.

[Rúnar Már Bragason, 17.10.2024 kl. 23:16]

Þetta endar bara með ósköpum eins og 2008 ef samfylkingin kemst að með Kristrúnu og Dag. Heyrði að fyrrverandi bankamálaráðherra, sem vissi ekki um hrun bankanna, óski eftir sæti á lista fyrir samfylkinguna. Lengi getur vont versnað.

[Jóhann Elíasson, 18.10.2024 kl. 09:02]

Og einhverra hluta vegna hefur það aldrei komist inn í umræðuna að Norðmenn fjárfestu alveg gífurlega í laxeldi í Chile.  Þar kom upp alvarleg sýking sem endaði með því að Norðmenn urðu að hætta við áform sín í miðju kafi og skildu firðina eftir í RÚST.  ÆTLI ÍSLENSU FIRÐIRNIR SÉU NÆSTIR????

[Rúnar Már Bragason, 18.10.2024 kl. 12:16]

Fiskeldið er erfitt mál Jóhann og mín skoðun er að það eigi heima upp á landi. Nóg er plássið og ekki langt að dæla sjónum í kvíar. Samfylkingin mun bruna áfram og leiða okkur í ógöngur enda er gælunafn mitt á flokknum - skaðræðisflokkurinn.