Lifað á og/eða í lyginni

Nokkuð ljóst er að fjölmiðlar vesturlanda lifa í lyginni eða réttara sagt á lyginni. Eins og segir í viðtengdri frétt að hrakandi umfjöllun um menningu færir fjölmiðla nær því að vera áróðurstæki.

Stærsta lygin er að heimurinn sé svart/hvítur og við þurfum að vera í ákveðnu liði. Vók er gott dæmi um þennan hugarheim sem flestir eru á hraðri leið undan. Ríkisstjórnin og flestir alþingismenn eiga eftir að fatta það en kemur ekki á óvart því þeir eru frekar seinteknir á breytingar. 

Lygin sem við lifum við er að trúa orðaflaumi fjölmiðla um stöðu mála í dag. Þar fer engan vegin saman einhver greining á ástandi samtímans. Miklu frekar væri að tala um kaffihúsaspjall þar sem engin niðurstaða fæst en fylgt er liði við ákveðinn málstað. Gaza, tollar Trumps, Trumphatur, ESB umræða hér á landi, kynjaumræða o.s.frv er gott dæmi um þetta. Innihaldslausar greiningar á ástandi þar sem haldið er gífuryrðum á lofti.

Frumvörpin um veiðileyfagjaldið og bókun 35 er gott dæmi um þar sem lifað er á lyginni. Að baki frumvarpanna stendur hvorki steinn yfir steini. Flambrið og klambrið er slíkt að ætla mætti að leikskólabörn hafi verið að leika sér. Minna rætt frumvarp um skattahækkun á sveitafélög hefur lítið verið í umræðunni. Þar inni er enn texti sem á að skilyrða öll sveitafélög til að hafa útsvar í hæstu hæðum. Eitthvað sem eyðileggur samkeppni milli sveitafélaga. Kommúnískara verður það varla.

Skemmdaverk ríkisstjórna, flestar á þessari öld, er slíkt að í raun er lygilegt að lifa á Íslandi. Það er verið að henda öllu fyrir björg sem forfeður okkar börðust fyrir og lygin um betra líf sé fylgt ríkisstjórnum er lélegur brandari. Núverandi ríkisstjórn lofaði að berja niður verðbólguna en leggur síðan fram frumvörp sem ýta undir verðbólgu. Ef ætlunin er að ná niður verðbólgu þarf að frysta laun í 3-5 ár og lækka kostnað ríkiskassans. Hvorugt er á stefnuskrá núverandi ríkisstjórnar. 

Lygin er lífið í dag.

Fjölmiðlar án menningarumfjöllunar eru eins og einhvers konar áróðurstæki