Kæmi ekki á óvart að hann gerði það

Eftir enn einn skrípaleikinn í borginni í dag þá tók nýr borgarstjóri við lyklavöldum með þeim orðum að láta verkin tala. Ég er nokkuð viss um að hann gerir það.

Í fyrsta lagi þá hefur Ólafur ákveðna hugsjón sem hann vill ná fram (sem er meira en fráfarandi borgarstjóri). Hann er líka maður sem lætur verkin tala en ekki blaðra þvælu og æsa upp lýðinn.

Framkoma Dags og Svandísar í dag er til háborinnar skammar. Auðvitað áttu þau að taka af skarið og róa fólkið en ekki æsa það upp með múgsefjun og yfirlýsingum sem engin innistæða er fyrir. Þarna sýndu þau ekki framtíðar leiðtoga hæfileika heldur láta stjórnast af vinsældum og skoðannakönnunum. Hvorugt sem góður leiðtogi getur treyst á í blindi.

Ungliðar tala um sögulegan hlut og það eina sögulega er hversu sorglegur þessi atburður af þeirra hálfu er. Hitt sögulega er að sýna fram á hversu lítlir leiðtogar frafarandi meirihluta eru.

Leyfum frekar manni sem vill láta verkin tala og mun gera það. Sanna sig og sýna fram á hverju er hægt að ná fram með hugsjónum en byggja ákvarðinar sýnar á vinsældum og skoðannakönnunum. Óska Ólafi velfarnaðar í starfi borgarstjóra og spái að hann muni standa sig vel. 

Ólafur hyggst láta verkin tala

Athugasemdir

[Gísli Baldvinsson (IP-tala skráð) 24.1.2008 kl. 18:53]

Til upprifjunar:

Ólafur F. í Silfrinu 2. des. 07
Hér er slóð á viðtal við Ólaf F. Magnússon í Silfri Egils 2. desember síðastliðinn:

http://http.ruv.straumar.is/static.ruv.is/geyma/olafurf.2007-12-02.wmv

Kristján Þór Júlíusson um nýja meirihlutann í Reykjavík:
http://www.visir.is/article/20080124/FRETTIR01/80124016

Hér er því haldið fram að sjálfstæðismenn hafi lekið upplýsingum um heilbrigðisvottorð

Ólafs F,Magnússonar:

http://eyjan.is/hux/2008/01/22/bjortu-hli%c3%b0arnar/

kv. gb

[Ómar (IP-tala skráð) 24.1.2008 kl. 18:54]

þú ert greinilega fífl !

[Þorsteinn (IP-tala skráð) 24.1.2008 kl. 18:59]

Fólk eins og þú kvartar yfir því að íslendingar kunni ekki að mótmæla.

Svo þegar það er mótmælt þá vælið þið yfir því líka! Hvernig á fólk að láta taka eftir sér? Á bara að segja "Já amen" og láta vaða yfir sig?

[Tjásan (IP-tala skráð) 24.1.2008 kl. 19:35]

Mitt "hlutlausa" álit er þetta: 

Það eru margar tegundir af mótmælum til og þau mótmæli sem höfð voru uppi í dag eru til skammarleg og einkennast af virðingarleysi gagnvart borgarstjórninni í heild, bæði gagnvart hinum nýja meirihluta jafnt sem þeim fráfarandi. Ef að ég væri stuðningsmaður þessara flokka myndi ég skammast mín fyrir framferði flokksystkina minna í dag, og ef að aðal markmiðið er að þessa dags verði minnst, þá held ég að hans verði helst minnst vegna siðlausra mótmæla og skrílsláta sem gengu alltof langt.

Það eru háttsemisreglur og reglur í fundarsölum og þær ber að virða, hvernig haldiði að Alþingi væri ef að þingmenn væru öskrandi hver uppí annan bara af því að þeir væru fúlir? Ég stórefast um að þingið myndi starfa skilvirknislega.
Þau skrílslæti sem höfð voru uppi í dag eru fjarri því að vera lýðræðisleg, það var margsinnis kurteislega beðið um hljóð en þær óskir voru virtar að vettugi og er afskaplega leiðinlegt að svona öfgamótmælasinnar skuli vera farnir að skjóta upp kollinum hér á landi. Fólk fékk að koma þarna sem áheyrendur og ber að haga sér sem slíkum.
Hægt er að mótmæla meðan farið er eftir reglum á viðkomandi stað. Yfirgangur, virðingarleysi og ókurteysi er alls ekki til þess að meira mark verði tekið á aðilum, þessu er akkúrat öfugt farið.

Sú staða sem kom upp núna, þ.e. nýjir flokkar taka höndum saman, er ekkert öðruvísi en sú staða sem upp kom í október 2007 en svo virðist sem að sá flokkur og stuðningsmenn þeirra sem þá stigu niður kunni sig almennt betur (þetta er ekki alhæfing). Fólk virðist því miður algjörlega hafa gleymt því að það er nákvæmlega sama sagan sem nú er að endurtaka sig, það eru aftur borgarstjóraskipti og það er aðalpunktur málsins. Í október 2007 var D-flokkurinn ekkert alveg án stuðnings þannig að stuðningsmenn hans hefðu getað svo sannarlega mætt á staðinn og verið með ólæti, en þeir ákváðu að fara málefnalegu/friðsamlegu leiðina.

Svona mótmæli eiga ekki að vera liðin, sama hvaða flokkur eða hópur á í hlut og vona ég að núverandi meirihluta takist sem best upp.
Hinn nýji meirihluti hefur gert mörg mistök, en hann er alls ekki einn um það, því fer fjarri.

Flokkarnir allir fara eftir sinni sannfæringu og reyna að gera sitt besta. Það að stofna til múgæsingar og ópólitískra mótmæla og aðgerða álít ég að sé hin væga útgáfa borgarastyrjaldar í miðausturlöndum og/eða skemmdarverka í þeim löndum sem standa okkur nær (t.d. í Frakklandi) 

Ég tek undir þetta með Rúnari, Dagur og þá sérstaklega Svanfríður hefðu átt að grípa í taumana og sýna það að svona skrílslæti verði ekki látin ganga, í stað þess að upphefja þau sem var kolrangt. Mér fannst þó Dagur koma með nokkuð góða ræðu í byrjun og má hann eiga það og einnig bað hann fólk um að sýna stillingu, því miður fylgdi hann því bara ekki eftir nægilega vel.

Einnig er það að ráðast að persónu Ólafs, en ekki eingöngu þeirri stöðu sem hann hefur að gegna fyrir neðan allar hellur. Þar er vegið að æru manns og er það langt frá því að vera málefnalegt. Persónulegar árásir eiga ekki heima í svona málum.

Í lokin vona ég bara að núverandi ríkisstjórn standi sig og muni vera dæmd að verkum sínum eins og vera ber og óska þeim góðs gengis.

[Fatou (IP-tala skráð) 24.1.2008 kl. 19:36]

jæja, ekki að maður ætti að gera þer til geðs að svara þessu bölvaða bulli i þer, en ég bara get varla staðist mátið.

Það er þér til háborinnar skammar að gagnrýna lýðræðislegu mótmælin sem áttu sér stað í dag í ráðhúsinu í dag. Umræðan þar hjá mótmælendum var málefnaleg og slagorðin sönn og vel orðuð. Ólafur var þar lítið sem ekkert gagnrýndur persónulega, heldur voru mótmælunum helst beint af valdaníðslu og græðgi.

Ekki get ég sagt miða við það sem ég hef lesið á þessari svo kallaðari blogg síðu að þú farir eftir sömu vinnubrögðum, heldur gagnrýnir þú Dag eins og versta slúðurkerling. Þú ættir að skammast þín pg ég tek undir hjá Ómari að þú sért greinilega fífl ef ekki eitthvað þaðan af verra.

p.s. Þú minnist þess kannski ekki en lýðræði hefði aldrei orðið án mótmæla. Það eina sorglega við þennan atburð eru fifl eins og þú sem enn reyna að halda því fram að mótmæli séu sorgleg. Ég held að þú gerir þér engan vegin grein fyrir hugtakinu lýðræði.

kv.Fatou

[Tjásan (IP-tala skráð) 24.1.2008 kl. 19:46]

Það getur velverið að mótmælin hafi verið vel orðuð og þar fram eftir götunum. En fólk verður að átta sig á því að þetta var INN í ráðhúsinu og INN í fundarsal borgarstjórnar og í fundarsölum gilda ákveðnar reglur. Mótmælendur voru ekki staddir fyrir framan húsið að mótmæla og á þessu er STÓR munur, mótmælin trufluðu vinnu og fundarhöld manna. Af því leiðir að mótmælin voru og eru skammarleg. Anna Birna ítrekaði að það giltu reglur í fundarsal, og þá var hreytt framan í hana að það gildi engar reglur eða e-ð álíka og svo héldu öskrin áfram. Bendir það til þess að ekki nokkur virðing sé borin fyrir mönnum eða friðsamleg mótmæli hafi verið þarna í gangi, þetta voru ómálefnaleg skrílslæti og ekkert annað.

[Tjásan (IP-tala skráð) 24.1.2008 kl. 19:50]

..og auðvitað heitir blessuð konan Hanna en ekki Anna

[fatou (IP-tala skráð) 24.1.2008 kl. 20:33]

Það getur vel verið að það gildi reglur inni i fundasölum ráðhús, en þegar kosnir menn AF alþýðunni neita að taka við undirskrifalista FRÁ alþýðunni er litið annað hægt að gera en að láta í sér heyra enda ríkir hér lýðræði. Og þó Villi og Óli hafi farið eftir settum reglum varðandi myndun meirihluta þá endurspeglar niðurstaðan greinilega ekki vilja almennings.

 Það gilda reyndar líka ákveðnar síferðislegar reglur i þjóðfélaginu sem við lifum i, og ekki get eg séð að þessi nýja borgarstjórn fari eftir þeim. 

Eru ekki reglurnar og landslög fyrir alla. Eða eiga þau bara við ákveðin þjóðfélagshóp sem lætur ekki bjóða sér núverandi ástand lengur;)

kv.fatou 

[Johnny Bravo, 24.1.2008 kl. 20:52]

Öhhh, lýðræðisleg mótmæli verða að vera fyrir utan fundi ekki inná þeim!!!! Getum ekki látið þá sem öskra hæst ráða.

Gott blogg hjá þér og þeir fengu þessa fulltrúa og verða að ráðstafa þeim eftir þeim málefnum sem þeir lögðu upp og ekki bara málefnarskrárarlaust og segja bara almanna heill og í hugsjón jafnaðarstefnu, þetta er því ekki nauðgun á neinu lýðræði að búa til þessa stjórn. Þessi fulltrúar eru sammála um að vinna að þeim verkefnum sem þeir hafa sett niður á blað og við kusum þessa fulltrúa.

Gleymist bara alltaf að Margrét er ekki kjörinn fulltrúi bara varamaður hans, Ólafur hefði bara átt að skrá nánustu fjölskyldu sem vara menn, enda eiga þeir bara að gera einsog kjörinn fulltrúi segir þeim að gera. 

Ég kaus xD í þetta skiptið, vill láta grafa Miklubraut niður, en svo virðist sem það hafi gleymst, en þeir ráða ekki einir en annars er það svik á málefnum sem er miklu verra, en allt annað.

kannski ætti að þurfa 10% atkvæði til að koma inn manni, þá hefði Bingó ekki komist inn á sínum 6% 4.000 atkvæðum frá eldriborgurum og 500kr útlendingaratkvæðum og þá hefði xD fengið meirihluta strax.

Það er í raun kjánalegt að halda að það sé hægt að sniðganga 7fulltrúa í sama flokki, ef það á að saka eitthvern um valdabrölt og vesen. Bingó átti bara að leyfa xD að ráða eitthverju í hans stjórn hehe

Að segja að þið megið ekkert vilja stjórna er bara eins og að segja þú mátt ekkert alltaf að vera að skora í mitt mark í fótbolta. Til þess er nú leikurinn gerður. 

[Rúnar Már Bragason, 24.1.2008 kl. 21:11]

Gaman að sjá sterk viðbrögð við þessu bloggi en Ómar við höfum öll rétt til að hafa okkar skoðanir og það er ekki mjög málefnalegt að uppnefna fólk. Hvernig getur það verið slúður að mynda sér skoðun út frá því sem maður sér í sjónvarpi? Við höfum öll lýðræðislegan rétt til að hafa skoðanir og best væri að svara því málefnalega.

Það er í góðu lagi að mótmæla og efast um gerðirnar. Fyrir mér er þetta ekkert öðruvísi en gerðist þegar síðasti meirihluti komst til valda. Ef fólki finnst þetta vera lýðskrum þá átti fyrri meirihluti jafn mikinn þátt í lýðskrumi, vinnubrögðin við myndun meirihlutans voru ekki ósvipuð.

Takk fyrir innleggið Tjásan og Johnny Bravo, það eru einmitt til reglur og lýðræði okkar byggir á því. Ef ég man rétt þá hefur komið upp svona staða á Alþingi (frammíköll og læti á pöllum) og þá voru pallar tæmdir. Það er ekki bannað að mótmæla en við höfum reglur til að fara eftir og þeim þarf þá að breyta ef leyfa ætti að mótmæla eitthverju á pöllunum eins og gert var í dag, annars eru það bara skrílslæti og múgsefjun.

[Guðmundur Jóhannsson, 25.1.2008 kl. 07:01]

Sammála að Dagur og Svandís gerðu mikil mistök með því að verja þessi skrumskælingu á líðræðinu.  Dagur þarf svo að lesa kosnigalögin, sveitarstjórnarmenn eru kosnir til 4 ára.  Flokkar og einstaklinga gera svo samkomulag um að koma málum sínum til verka, þá samja menn um málefnin og það heitir "meirihluti".  Oftast er gerður nákvæmur málefnasamningur sem unnið er eftir, það gerði ekki síðasti meirihluti og því fór sem fór.