Hughrif

Visir.is er duglegt að birta allskonar ESB áróður og DV gengur meira segja skrefinu lengra. Flest að þessum skrifum standast engan veginn fullyrðingaflauminn og gott dæmi er í dag þegar Ágúst Ólafur Ágústsson hendir fram fulllyrðingaflaumi í 12 atriðum. Diljá Mist svarar hlut þess sem landið á að hafa innleitt af regluveldi ESB, sem er allfjarri tölum sem Ágúst hendir upp. 

Eitt það fyndnasta sem Ágúst heldur fram er tal um frjáls viðskipti í Evrópu. Þar skautar hann alveg framhjá EES samningnum og að ekki eru öll lönd Evrópu í ESB. Líklega bara smáatriði en dauðans alvara þegar hugað er að viðskiptum utan Evrópu því aðild þýðir lok á marga viðskiptasamninga sem ESB hefur ekki á sama hátt og Ísland.

Stærri brandarar um fullvelidð og stjórn sjávarútvegsmála er bara ekkert fyndinn.

Svona delluskrif og fullyrðingar um haginn af aðild í ESB munum aukast í haust og vetur. Telja sig geta boðið lægri vexti, minni verðbólgu og afnám verðtryggingar. Allt hlutir sem hægt er að framkvæma með réttri hagstjórn og hefur ekkert með ESB aðild að gera. 

Skil ekki af hverju þetta lið flytur ekki bara í ESB draumalandið. Allavega eru ansi margir Pólverjar hér á landi sem sjá þetta ekki á sama hátt.

Eina sem kemur upp í hugann við þetta stórskrýtna svar aðstoðamanns forsætisráðherra er að henni sé fjarstýrt. Að hún geti ekki romsað út úr sér nokkrum setningum um þetta er bara hámark fáránleikans. 

Vissi vel að hún er ekki starfinu vaxin og til vara má velta fyrir sér að utanríkisráðherra hafi ekki látið hana heldur vita. Hvers konar ríkisstjórnasamstarf er þetta þá?

Flokkur fólksins er að láta misnota sig all illilega og mun hverfa af þingi ef ekki verður breytt um kúrs. 

Vonleysi þessarar ríkisstjórnar er algert og virðist engan vegin fær um að koma hlutunum almennilega frá sér. 

Hrun Íslands er yfirvofandi og spurning hvort R.I.P. sé ekki að nálgast. Með svona ríkisstjórn þá kemur ekkert að viti út.

	Kristrún tjáir sig ekki um verndartollana í bili
Ábyrgðarmaður færslu Tilkynna um óviðeigandi tengingu við frétt

ESB blautir draumar ríkisstjórnarinnar, sem sagði málið ekki á dagskrá fyrir kosningar, eru uppfullir af innantómum frösum eins og að þjóðin sé hlynnt þessu. Þetta var ekki á dagskrá fyrir kosningar og þjóðin hefur ekkert fengið að segja um þetta (fyrir utan ónothæfar skoðannakannanir). 

Skoðum aðeins ESB 

Þjóðríkið

Stefnan er að hafa þetta eins og í Bandaríkjunum nema að völdin eru alltaf minnkuð hjá hverju ríki. Þannig var Belgía án ríkisstjórnar í 1 og hálft ár án þess að nokkur hafi tekið eftir því. Núna er Holland án ríkisstjórnar og enginn hefur orð á því. Þjóðríkið er að hverfa til skriffinna í Brussel, alræðisstjórn kemur innan ákveðins tíma. Enda er Kína fyrirmyndin.

Greiðslur til ESB

Nú var að koma út ný fjármálaáætlun hjá ESB. Stjarnfræðilegar upphæðir sem setja skuldug lönd í enn verri stöðu. Þannig hefur LePen sagt að minnka ætti framlag til ESB en skv áætluninni þarf að auka greiðslur. Þjóðverjar kvabba einnig en verður nokkuð á það hlustað.

Margir ESB sinnar tala um styrki en það er alveg ljóst að það er bara tilflutningur á fé því landið mun alltaf borga meira en fær í styrki.

Vextir

Vextir eru ekki fastir eins og margir halda í umræðunni. Þeir eru alls ekki lágir í sumum löndum og það á við um jaðarlöndin eins og Ísland er. Það er einungis óskhyggja að ætla að vextir verði svo lágir hér á landi.

Skuldir og evran

Flest þjóðríkin í ESB eru verulega skuldug og sum meira en Ísland. Sumir halda því fram að evran sé einhver undragjaldmiðill sem er svo stöðugur að gengið sé stöðugt. Hvers vegna hefur þá evran lækkað um 5% gagnvart krónu á einu ári? Enn og aftur óskhyggja um gjaldmiðla. Til að mynda eru skuldir Ítalíu svo miklar og líklega fengju þeir ekki að taka upp evru í dag ef þeir væru að óska eftir því.

Tollar og fiskveiðar

Ísland myndi missa alla stjórn á tollum og stjórn á fiskveiðum við landið. Ein stærsta blekkingin með veiðigjöldum er að halda því fram að hægt sé að sækja þessar tekjur til fyrirtækja, sem eru niðurgreidd, til evrópu. Ekkert er meira fjarri lagi. Í raun missir landið alla stjórn á öllum málum sem viðkoma landinu en borga skaltu.

Landsbyggðin

Sumir halda því fram að með styrkjum þá hagnist landsbyggðin. Hins fer voða lítið fyrir því að landsbyggðin í Svíþjóð og Finnlandi hafi það svo miklu betra áður en löndin fóru í ESB. Þetta er svona mýta um að fá allt fyrir ekkert með styrkjum.

Niðurstaðan

Að halda því fram að Ísland hafi það betra í ESB er ekkert annað en óskhyggja sem byggir engan vegin á staðreyndum. Landið mun verða fátæk ruslakista fyrir ESB sem mun gera lítið annað en að skemma landið með vindmyllum og þurrka upp fiskimiðin.

	Von der Leyen kvaðst ekki kannast við kröfuna
Ábyrgðarmaður færslu Tilkynna um óviðeigandi tengingu við frétt

Hvernig það er hægt að stjórna enn verr en Jóhönnustjórnin er mjög sérstakt. Málflutningur Sigmars í fréttinni sem fylgir lýsir vel þroti þessarar stjórnar að stjórna einhverju. Það skal koma þessu áfram sama hvað tautar. Í lagi ef einræði er staðan en ekki lýðræði.

Athyglisvert er að öll kommendakerfi eru uppfyll af stjórnarliðs stuðningsmönnum að tjá innantóma frasana aftur og aftur. Gera sér enga grein fyrir hvaða afleiðingar frumvarpið hefur. 

Ljóst er að skattabrjálæðið er bara að byrja og hér verður varla líft innan fárra ára fái þessi óáran að halda áfram. Kannski hætta þá flóttafólkið að láta sjá sig enda allir að lepja dauðan úr skel, þingmenn líka. 

Orðræða stjórnarliða er líka á slíku plani að halda mætti að þau séu í morfískeppni unglinga sem skilja illa hvernig lífsins gangur er. Stóryrðin eru slík að annað eins hefur ekki sést á lýðveldistíma. 

Hef sagt lengi að forsætisráðherra er enginn stjórnandi. Í dag sýndi hún hversu vondur stjórnandi hún er og lætur aðra teyma sig á asnaeyrum. Mér er spurn hvernig fer eiginlega þegar umræður um fjárlög fara fram?

Þjóðin þarfnast fólks sem kann að stjórna.

	Öllum ljóst að þetta gæti orðið niðurstaðan
Ábyrgðarmaður færslu Tilkynna um óviðeigandi tengingu við frétt

Sú furðulega staðhæfing í fréttinni að bygging vindmylla hafi minniháttar umhverfisáhrif er erfitt að trúa. Í fyrsta lagi þá er þetta 167,5 metra hátt sem er 2 og hálfur Hallgrímskirkjuturn sem sést mjög vel ofan af Kjalarnesi í meira en 10 km fjarlægð. Auk sjónmengunar þá er hljóðmengun, olíumengun, plastmengun og ónýtanlegur jarðvegur við byggingu vindmyllna.

Hvernig hann fær út að steypuklumpar í jörðu séu minniháttar umhverfisáhrif er mjög skrýtið og ekki síður uppbygging vega til að koma þessu á áfangastað. Þegar Kárahnjúkavirkjun var gerð þá tók rúmt ár að byggja upp veginn í gegnum Fagradal, leiðin er um 45 km frá Egilsstöðum til Reyðafjarðar. Í þessu dæmi er verið að tala um 118 km sem fer að stórum hluta um þjóðveg 1. Hvernig ætlunin er að beygja í 90° beygju í Borgarnesi kemur ekki fram. Líklega loka þeir bara bænum á meðan.

Þegar Færeyingar settu upp 100 metra vindmyllur hjá sér þá var það meiriháttar mál að koma þessu á staðinn. Hér er verið að tala um enn stærri vindmyllur að fara í gegnum bæjarfélag og fjölmennar leiðir á þjóðveginum. Fyrir utan það að vegurinn um Dalina er mjög illa farinn og þarfnast algerar uppbyggingar. Hver á að borga þá uppbyggingu?

Óraunsæið og blekkingar í þessum áformum er slíkt að nær væri að taka menn inn á teppið og gera þeim grein fyrir hverjum kostnaðalið sé á þeirra kostnað en ekki skattgreiðenda. Þetta á við um frá kaupum, flutningum, uppbyggingu, jarðraski, mengun, tengivirki og án efa fleiri þátta.

	Vilja reisa 167,5 m háar vindmyllur
Ábyrgðarmaður færslu Tilkynna um óviðeigandi tengingu við frétt