Nei takk

Þetta er arfavitlaus hugmynd sem endar lang líklegast á skattborgurum. Allar skýjaborgir sem snúa að mjög takmörkuðu notagildi eru rugl sem skila litlu öðru en kostnaði sem þjóðin borgar.

Við eigum ágætisvöll og þótt það takist einstaka sinnum að fylla hann umfram hið venjulega þá er engin ástæða til að missa sig í svona framkvæmd. Hlaupabrautin má fara og stækka grasvöllinn en að byggja yfir hann er alger steypa.

Verst að svona hugmyndir fá einmitt að þrífast þegar vel gengur en halda ekki velli til lengri tíma.

Hættum að pissa upp í vindinn.

Tillaga að þjóðarleikvangi

Hélt að í stjórnmálum væru flokkar

Brynjar segir að Bryndís ætti að hugsa um að skipta um lið. Stjórnmálaflokkur sem skiptir fólki í lið er nú varla mjög burðugur. Eru þá allir aðrir andstæðingar? Brynjar á til að koma með góða punkta en oftar skýtur hann langt yfir markið. Kannski hann ætti að koma sér í eitthvað lið og stilla miðið?

Bjarni á síðan að gera þessa umræðu opinbera með kostnað á hverja máltíð. Auðvitað er það útúr snúningur að nefna þessa tölu en eins og skýringunni frá ráðuneytinu þá er þetta hlutfall af gjöldum. Allir sem vilja reikna þetta notast við þessar tölur. ASÍ ætti kannski að svara af hverju útreikningar þeirra miða við þessa tölur.

Umræðan þarf líka að snúast um hvað verður til framtíðar. Þótt tímabundin hækkun matvæla hafi áhrif þá kemur lækkun vörugjalda inn sem nýtist fólki til lengri tími. Þannig verða áhrif hækkunar ekki eins mikil og ætla mætti en með útúr snúningi þá vissulega virðist þetta óyfirstíganlegt.

Ætti að íhuga að fara í annað lið

Vinna varamennirnir í takt við alþingismennina

Það er ótrúleg lenska í ríkiskerfinu að veita lélega þjónustu. Einfaldir hlutir verða einhvernveginn mjög flóknir vegna þess að ekki er upplýst á einfaldan hátt sem myndi spara öllum. Þannig fela ríkisstofnir sig oft á bakvið úrskurð en hefðu auðveldlega aldrei þurft að fella úrskurð hefði málið verið upplýst nægjanlega.

Þess vegna er verðug spurning hvort að varamenn þingmanna séu nógu vel upplýstir til að geta tekið meðvitaðar ákvarðanir og komið í veg fyrir óþarfa vinnu.

Í öllu tali um sparnað þá held ég að ríkið geti gert skurk í að efla þjónustu og auka upplýsingar til notenda þjónustunnar. Þannig sparast mikil vinna að þurfa ekki að úrskurða að óþörfu séu réttu upplýsingarnar veittar. 

En ætli það sé ekki bara barnalegur draumur að halda að slíkt gerist?

Margir þingmenn eru fjarverandi

Flottur sigur en verum jarðbundin

Þetta var flottur sigur hjá strákunum og þeir lögðu sig alla fram. Gaman að sjá íslenska karla landsliðið í fótbolta spila svona vel.

Við getum samt ekki gleymt okkur og farið fram úr okkur. Það er langur vegur eftir og þetta var aðeins eitt skref á leiðinni, þótt magnaður sigur væri. Það er enginn orðinn guðdómlegur eða eitthvað slíkt enn. Þessir strákar hafa ekki unnið neitt. Það eru enn eftir 7 leikir sem þýða 21 stig. Það sem mér finnst magnaðast er að liðið hefur ekki enn fengið á sig mark. Liðið þarf rúmlega 20 stig til að geta átt möguleika á öðru sætinu.

Höldum okkur á jörðinni en njótum samt augnabliksins.

Áfram Ísland!

Sigurinn á Hollendingum í myndum

Er of dýrt að reka ökutæki

Þar sem sífellt fleiri ökutæki þurfa endurskoðun þá mætti leiða að því líkum að sífellt fleiri sinni illa viðhaldi bíla og geri ekkert fyrr en alger nauðsyn beri til. Þetta gefur vísbendingu um að of dýrt sé að reka ökutæki en samt þrjóskast fólk við.

Vissulega vegna þess hversu erfitt getur verið að nota almenningssamgöngur sé heimilið stórt. Það er varla eftirsóknavert að burðast með marga verslunarpoka í strætó og eiga jafnvel síðan eftir að ganga smá spöl heim til sín. 

Eftir stendur spurningin hvernig finna megi jafnvægið milli almenningssamgangna og einkabíls.

Sífellt fleiri ökutæki fá grænan miða

Afsökunin um einstaka mál

Það er lenska í málum hér á landi, hvort sem er í einkageira eða opinberum, að fela sig á bakvið að fjalla ekki um einstaka mál. Þetta er að verða að frasa sem gripið er til þegar fyrirtæki og stofnanir lenda í vandræðum. Kaupa sér frest til að kafa ofan í málin og finna réttu glufurnar til að krafla sig út.

Það er ekki nema von að fólk eigi almennt erfitt með að treysta svona vinnulagi. Það er eins og enginn staðall sé yfir vinnubrögð heldur brugðist við þegar allt er komið er í vandræði. 

Það væri óskandi að íslensk fyrirtæki og stofnanir temdu sér meira ákveðna staðla til að geta brugðist við aðstæðum. Með því gætu þau án efa fækkað svokölluðum "vandamálum" sem upp koma. Afleiðingin yrði meiri ánægja með viðskipti og aukið traust.

„Mér finnst þetta bara svo óréttlátt“

Virkar tvímælis

Vissulega er jákvætt að fólk hafi betra aðgengi og fái greiningu á sínum fötlunum en samt virðist skorta eitthvað í fréttina. Þegar slengt er fram svona tölum þarf að setja þær á raunvirði og aukningin er ekki rúmlega 60% á þessum þremur árum.

Þegar málaflokkurinn var tekinn yfir þá var alveg ljóst að talan myndi hækka og þessi frétt lyktar ansi mikið af pólitík. Það er ákveðin fjárfesting í húsnæði sem kannski kemur sterkt inn í ár en ekki næsta. Þess vegna þarf að skoða svona tölur vel og í samhengi. Svona tölur segja ekkert um hvort að gæði þjónustunnar hafi aukist fyrir fólk, þótt aðgengið eigi að vera betra.

Það er samt mjög óljóst hvað var svona slæmt áður og við hvað er verið að bera saman. Það væri gaman að fá fréttaskýringu sem hefði meiri innsýn í málaflokkinn og sýndi fram á hvað hefði breyst. Einnig hvort að þjónustan væri í raun betri en áður. 

Sjö milljarðar til fatlaðra

Furðulegt sjónarhorn

Ákaflega furðulegt sjónarhorn fjárfestsins á verslun á netinu. Í stað þess að fagna samkeppni sem þýðir aðhald á innlenda verslun þá er kvartað og kveinað, og ætlast til þess að ríkið setji reglur til að sporna við þessu.

Nei neytendur eiga að fá að velja og ef þeir sjá hag sinn í að versla beint þá þarf innlend verslun að breyta hjá sér. Bent hefur verið á að fataverslanir hafi ekki aukist að neinu ráði frá því eftir hrun. Það kemur ekki á óvart því fötin sem boðið er upp á eru oft í verri gæðum en úti og dýrari. 

Með verslun í gegnum netið hafa fataverslanir fengið nauðsynlegt aðhald og nú þurfa þessar verslanir að bretta upp ermarnar og finna leiðir til að auka hana. Þannig á samkeppni að virka og á fákeppnismarkaðinum hér heima er netið himnasending.

Netverslun færir tekjur úr landi

Hefur þjónustan batnað

Eitt af því sem talað var um áður en yfirfærslan var samþykkt er að sveitafélögin geti veitt betri þjónustu en gert var áður. Þjónustan væri nær fólkinu. Fjárhagslega hefur þetta kostað sveitafélög meira en þau gerðu ráð fyrir og því hlýtur að koma upp spurning um hvort að þjónustunni hafi þá hrakað sem því nemur.

Þar sem ekki sé fjármagn til staðar til að manna þjónustuna og það þarf að sýna aðhald þá er viðbúið að það bitni á þjónustunni.

Hvað hafa samtök þeirra sem þiggja þessa þjónustu um þetta að segja?

Uppsafnaður halli tveir milljarðar

Hvað eru svona umhugsunarvert við það

Það sem ekki fylgir þessari frétt er að útskýra hvað það er sem er svona umhugsunarvert við það að fólk útskrifist seinna en í öðrum löndum. Er Illugi að segja það að þegar fólk eldist þá verði það verri starfskraftar? Er aðalatriðið að unga út fólki úr námi án þess að huga hvað það eigi að gera með námið.

Held að Illugi falla þarna í slæma gryfju þess að horfa mjög einhliða á málið og missa þar með sjónar af heildarmyndinni. Eldri nemendur eru ekkert verri starfsmenn en yngri og í raun sýna rannsóknir frekar að eldri starfsmenn séu jafnvel betri. Til að mynda þá eru slíkir starfsmenn oft komnir úr barneignastandi og þar af leiðandi minna veikir. Sem gefur til kynna meiri framlegð.

Málflutningur Illuga er einhliða og illa grundaður. Það vantar miklu meiri heildræna nálgun á efnið til að hann sé sannfærandi.

Klára BA rúmlega 30 ára