Fréttastofa Rúv í hitahelvíti

Í kvöld var ég gestur þar sem settar voru á fréttir Rúv og fyrsta frétt var hitinn í heiminum í dag sem á víst að vera á leið til heljar skv. Rúv. Fréttin stóð í um 7 mínútur. Veit ekki hvort það var 6 mínútur og 66 sekúndur en það hefði verið viðeigandi með undirspili frá Iron Maiden - Number of the beast.

Endist nú ekki fréttina að hlusta á þvæluna en inntakið var svipað og í viðtengdri frétt nema það þurfti hressilega að bæta í dramað. Hjörleifur Guttormsson væri hæstánægður með þessa frétt enda skrifaði hann á svipuðum nótum í Morgunblaðinu í dag.

Skrýtið samt að þetta fólk virðist ekki vita að fleiri deyja úr kulda en hita. Að met verður sett í ár brennslu kola í heiminum. Fyrir hverja þessi boðskapur um hlýnun á að ná til er vandfundið því meirihluti jarðarbúa hlustar ekkert á þetta. Af hverju heyrist ekkert í þessu fólki þegar kuldaköstin standa yfir? 

Hver er þá tilgangurinn með þessu? Að draga Evrópu niður í enn meira samdrátt? Að allir í heiminum hafi það jafnskítt og sérvaldir lifi lúxuslífi?

Það er ekkert mark takandi á þessum spádómum.

E.S. Vitið til að Bandaríkin og Evrópa eru að fara inn í samdráttartímabil. Til að komast út úr því verður að nota jarðeldsneyti. Þá skiptir hlýnunin engu máli því redda þarf lúxulífi fárra.

Júlí heitasti mánuðurinn og hlýrri mánuðir framundan

Reykjavíkurborg afsakar lélegt skipulag

Hvaða snillingi datt í hug að gera breytingar á sorphirðu rétt fyrir sumarfrí? Það gefur auga leið að það skapast vandræðaástand, eins og sést vel á myndunum sem fylgja fréttinni.

Til að mynda má ekki setja ál lengur í almennt sorp og það á að fara með það á grenndarstöðvar og hvað bíður þín þar? Enginn gámur fyrir álið og hvað á þá að gera við álið?

Ekki nóg með að við eyðum miljónum í að flokka sorp, meiri keyrslu við að sækja, þá er ekki einu sinni hægt að skipuleggja breytinguna á vitrænan hátt.

Grenndargámar borgarinnar stútfullir

Vita sérfræðingar alltaf betur um loftlagsmál?

Samkvæmt fréttinni þá segja sérfræðingar og fullyrða einnig um hitann og hvað getur gerst í framtíðini. Meira segja veðurfræðingur segir okkur eitthvað. Vandamálið er hverjir eru þessir aðilar? Af hverju eru þeir ekki nafngreindir?

Hvar voru þessir sérfræðingar í vetur þegar komu tveir langir kuldakaflar? Hvaða afleiðingar geta þeir haft í framtíðinni.

Sem betur fer eru blaðamenn (þýðendur) hættir að nota vísindamenn, því varla liggja rosa mikil vísindi á bakvið það að segja hversu heitt er á ákveðnum svæðum. Sá veðurkort fyrir Evrópu í kvöld og það var ekkert óvenjulegt í kortunum.

Hvaðan kemur þessi bábilja að vísindamenn, sérfræðingar eða veðurfræðingar geti sagt okkur til um hvað gerist í framtíðinni? Veðurfræðingar geta ekki sagt okkur hvernig veðrið veður eftir þrjá daga nema með ca 70% nákvæmni. Það er engin leið að trúa svona þýðendabulli og halda því fram að þetta sé frétt. Nær væri að segja að þetta sé skáldskapur byggður á tölum úr hitamælum sem segja okkur jafnmikið um atburði líkt og sjónvarpsþættirnir Vikings um vídinga.

Alveg með ólíkindum að fólk lepji þetta upp sem staðreynd. Jú vissulega er heitt en það gerist á hverju ári, bara mismunandi á hvaða svæði.

Að skattleggja í nafni loftlagsmála er mesta svind síðan aflátsbréfin voru allsráðandi.

Heljarinnar hiti í Evrópu

Hvað er endurnýjanlegt við vindorkuver?

Nú vill orkuveitan fá að taka þátt í fjárglæfraleiknum með vindmylluorkuverum. Allt út frá endurnýjanlegri orku, en hvað er endurnýjanlegt?

Það eina sem nýtist endurtekið er vindur sem þrátt fyrir allt má ekki blása of mikið né of lítið til að geta aflað orku. Allt annað við vindmyllur er mengun.

1. Jarðvegur á svæðinu sem er nýttur eyðileggst allur því það þarf að gera sérstyrkta vegi að hverri vindmyllu. Steypa þarf hverja vindmyllu ofan í jörðina með húsi á við litla rafstöð. Sem sagt jarðvegurinn á svæðinu er ekki endurkræfur og ónýtur eftir uppsetingu.

2. Dýralíf þrífst illa í kringum vindmyllur sbr. nýlegan dóm í Noregi.

3. Sjónmengun er mikil og sést frá höfuðborgasvæðinu. Fjallasýn mun eyðileggjast.

4. Hljóðmengun í suð-austan og austan átt er vís til að trugla íbúa, sér í lagi í efri byggðum höfuðborgasvæðisins. Nú þegar finnst oft kísillykt frá Hellisheiðavirkjun.

5. Stálið í vindmyllur er oftast búið til í Kína sem nota kolaorkuver til þess. Spaðarnair innihalda plastagnir sem flagna af með tímanum og fer út í umhverfið.

6. Raflínur á Íslandi eru ekki gerðar fyrir miklar aukningu orku eins og þarna er sett upp. Hver á borga fleiri raforkulínur?

7. Þar sem orkan er óstöðug þá þarf vatnsorkuver til að viðhalda orkunni. Af hverju ekki að halda sig við vatnsorkuver sem dugar í 100 ár þegar vindmyllur duga í 25 ár?

Eina niðurstaðan sem hægt er að fá er meiri mengun út í umhverfið. Betur er heima setið.

 

Að lokum þetta eru ekki vindgarðar, þetta eru orkuver. Hættið þessum blekkingum.

Vill reisa vindorkugarða í nágrenni Hellisheiðar

Vindmyllugarðar eru ekki til: Eru vindmylluorkuver

Svo virðist sem að hvalir við Ísland njóti meiri réttinda en hreindýr í Noregi. Ráðherra vildi meina að hvalir nytu meiri mannréttinda en aðrir fiskar. Þessa stjarnfræðilega vitleysu lét hún hafa eftir sér. Dómurinn í Noregi snerist um fólk þar sem Samar gátu illa sinnt ræktun á hreindýrum í kringum vindmylluorkuver.

Orðaskrípin vindmyllugarður, vindmyllulundur eiga enga tilvísun í málið og ætti samstundis að hætta notkun þeirra. Á norsku heitir þetta vindkrafverk þar sem vísað er til vinds og orku. Það er rétt heiti yfir þetta og á íslensku er bein þýðing vindmylluorkuver. Af hverju þessi feluleikur hvað er ætlast til með þessum vindmyllum? Lundur er eitthvað skjólsælt og fallegt en vissulega getur garður verið ljótur. Það er hvorki fallegt né skjólsælt við vindmyllur svo vinsamlegast hættið að nota tengingar við það þegar fjallað er um vindmyllur.

Fólk ætti að huga vel að því að eftir að þetta er komið upp er ekki auðvelt að losna við þetta.

Loka vegi að vindmyllugarði

Eru Íslendingar að versla þarna?

Tek alveg undir með Láru að vissulega ætti að nota íslensku fyrst en síðan annað tungumá. Málið er að Íslendingar leita lítið þangað sem myndirnar eru teknar til að versla. Ef það sama ætti við um Kringluna eða Smáralind þá þyrftum við alvarlega að hafa áhyggjur.

Þannig séð er skiljanlegt að auglýsa á ensku þar sem nánast allir viðskiptavinir eru annað en Íslendingar. Sama tilhneiging er alveg sjáanleg í evrópskum borgum þar sem enska er mjög áberandi. Aannað mál er þegar farið er út fyrir borgarsvæðin.

Hins vegar hef ég gist á gistiheimili þar sem enginn starfsmaður talaði íslensku. Við getum alveg spurt okkur hvort það sé sættanlegt. Aðal spurningin ætti að vera: Hversu margir Íslendgar (íslenskumælandi)vinna í þessum verslunum og á þessum veitingastöðum?

Ferðamannasvæðið í 101 Reykjavík er einnig algerlega ofmetið sem verslunarsvæði fyrir Íslendinga. Sem veitingasvæði þá býður það upp á valkosti en þeim fjölgar sífellt sem er að finna víðar um höfuðborgasvæðið. Til að mynda á Kársnesinu í Kópavogi er kominn fínn veitingastaður. Sem uppalinn Kópavogsbúi hefði ég aldrei getað ímyndað mér veitingastað á því svæði.

Samt eiga verslunar og veitngafólk að nota íslensku fyrst og ensku eftir það.

Getum sjálfum okkur um kennt

Hvernig væri að leggja eitthvað til án þess að hækka skatta?

Það er altaf sama asgan að ekkert er hægt að gera nema hækka skatta, segja ráðherrar og alþingismenn. Hugmyndaflugið í lífinu snýst um að hækka skatta en ekki að finna lausnir. Það' dettur engum ío hug að minkka útblásinn eftirlitsiðnaðinn, sem skattgreiðendur borga, til að finna fé í að leysa önnur mál.

Reykjavíkurborg neitar að hækka laun vinnuskólakrakka því þá spara þeir miljónir sem þó rétt ná kannski 3 árslaunum. Af fjöld tilgangslausra starfa þá skal frekar haldið í þau en að leyfa krökkum að njóta smápenings yfir sumarið. Fufllrúar eru svo uppteknir af því að hækka skatta og búa til óþarfastörf.

Gunnar Birgisson heitinn lofaði því í Kópavogi að malbika allar götur bæjarins. Hann stóð við það þótt tímaramminn væri sprengdur og án þess að hækka skatta.. Það er vel hægt að framkvæma hluti og leysa án þess að hækka skatta.

Þessari eilífa lummu að hækka skatta verður að slá út af borðinu.

„Er ekki eðlilegt að hún leggi meira af mörkum?“

Að svara upplýsingaóreiðu er áróður

Merkilegt hvað ráðherrar í dag vilja ráða orðræðunni með orðum eins og upplýsingaóreiðu. Síðan hvenær hefur það verið verksvið opinberra aðila að ráða hvernig orðræðan fer fram? Jú það er gert í ráðstjórnaríkjum og er ekkert annað en áróður. Með því má segja að utanríkisráðherra okkar vill svara áróðri með áróðri.

Held að opinberum aðilum á vesturlöndum sé ekki viðbjargandi í vitleysu sinni.

Styðja afganskar konur og sporna við áróðri Rússa

Er bókun 35gr. nátengd uppsetningu vindmylla?

Þessari spurningu er erfitt að svara nema vera innvinnklaður í stjórnmálin en sá grunur læðist ansi mikið að manni þegar viðbrögð eru skoðuð við seinkun innleiðingar þessar greinar.

Björn Bjarnason fer mikinn um vinnubrögð formanns nefndar að hafa seinkað þessu en hið rétta er að efnisgreinin hafði ekki fengið neina umræðu. Formaðurinn gerði rétt og þótt þetta sé í samningnum þá er rangt að setja þessa bókun óbreytta í gegn.

Guðlaugur umhverfisráðherra talaði ekki um þessa bókun á bls. 8 í Morgunblaðinu í dag en hins vegar harmaði seinkun Skeiða- og Gnjúpverjahrepps á vindmylluorkuveri í hreppnum. Hann hrekkur þessum orðum upp úr sér: "Við getum ekki beðið lengur eftir grænni orku. Þar liggur mjög á. Ef sveitastjórnir taka þessa afstöðu þurfum við að hafa fleiri kosti."

Það fyrsta sem truflaði mig er hvort að vatns- og gufuvirkjanir séu ekki græn orka? Guðlaugur er umhverfisráðherra sem lætur svona orð frá sér segir allt um hversu innvinklaður hann er í þessa baróna sem vilja setja landið aftur á hausinn (bankahrun var ekki nóg). Varla er það svo fjarlæg tenging að ætla að þessir aðilar hafi staðið á bakvið formannsframboð Guðlaugs.

Ekki orð um hver á að borga tengingarnar frá þessum orkuverum. Sem dæmi þá var ný lína sett inn til Akureyrar. Löngu tímabær aðgerð þar sem kvartað var yfir orkuskorti á svæðinu. Hvað gera Akureyringar? Jú þeir opna gagnaver sem skapa fá störf en tekur mikla orku. Þjóðin borgar tenginguna þar sem orkan er síðan ekki nýtt betur en þetta, að fleiri atvinnutækifæri fái að njóta betri tengingar.

Öll umræða og uppbygging vatnsorkuvera byggðist á hvernig ætti að nota orkuna. Með vindmylluorkuverum er sú umræða í skötulíki og helst á að þaga hana niður. Við eigum að byrja á réttum stað og svara spurningunni hvað ætlum við að gera við orkuna, síðan á að fara í uppbyggingu á orkuverum.

Hvenær ætla alþingis- og sveitastjórnendur að vinna í þágu framtíðar Íslands? Íslenska þjóðin græðir sárafá störf á að selja orkuna úr landi og það hjálpar lítið upp á framtíðarbúsetu í landinu.

Lengsta umræðan um útlendingafrumvarpið

Svíðþjóð vill harðasta landamæraeftirlit í Evrópu.

Haft var eftir forsætisráðherra Svíþjóðar á þjóðahátíðardag þeirra að þeir vildu koma á harðasta landamæraeftirliti í Evrópur (sjá hér).

Þetta er mjög athyglisvert því síðast þegar ég frétti þá er kallast það alltaf hægri öfgabylgja að setja aðeins stólinn fyrir dyrnar. Ekkert slíkt á við um Svíþjóð og reyndar hefur það verið landið sem hefur verið mest opið hingað til en eru greinilega að sjá að sér að þetta hvorki virkar né gengur upp.

Haft er eftir forsætisráðherranum að þeir sem fái nei þá þýðir það brottför af landi og þeir sem vilji fá ríkisborgarétt skuli læra málið og aðlagast. Ósköp eðlilegar kröfur sem ég myndi gera til sjálfs míns ef ég flytti til annars lands.

Líklega mun ekki heyrast um þetta hér á landi enda væri ákaflega skrítið fyrir marga að fara úthrópa fyrirheitnalandið. Eftir allt saman þá erum við nú alltaf að bera okkur saman við norðulöndin (þótt það sé eins og bera saman epli og appelsínu). Þeir sem úthrópuðu forsætisráðherra Ítalíu fyrir að vilja fara sömu leið verða nú að vera samhverfis sjálfum sér og úthrópa Svía (ef ekki Dani líka).

Ef vilji er til að takast á við verðbólguna þá ættum við að fara sömu leið og Svíar.