Hef engan áhuga á að borga 2000 kallinn

Sjálfhverfa Jakobs Frímanns kemur svo bersýnilega í ljós þarna að honum finnst allt í lagi að ákveða fyrir aðra hvort þeir vilji borga þessar 2000 kr. Ég vil alls ekki borga þennan pening nema dagskráin sé lagfærð í átt að menningarhlutverki stofnunarinnar.

Þrátt fyrir ýmsa gagnrýni þá hefur engin getað bent á að stofnunin sé að halda úti hlutverki sínu. Svo þykjast menn eins og Jakob geta komið fram og ákveðið hvað sé rétt fyrir aðra. Hvar er málflutningur um að standa við hlutverk sitt? Hvar er málflutningur um að stofnunin fari í naflaskoðun og endurskoði hlutverk sitt?

Ég vil leggja stofnunina niður en er tilbúinn að endurskoða þá ákvörðun ef RÚV er tekin í algera naflaskoðun og sinnir hlutverki sínu.

Vilja fá að borga tvö þúsund kallinn

Athugasemdir

[Ásgrímur Hartmannsson, 12.12.2014 kl. 17:56]

Það er 18.000, ekki 2000.  Jakob veit ekkert í sinn haus um þetta.

[Jón Óskarsson, 12.12.2014 kl. 20:07]

Reyndar kr. 19.400 árið 2014 (sjá álagningarseðill 2014), var kr. 18.800 árið 2013.  Skv. fjárlagafrumvarpi frá því í fyrra stóð síðan til að þetta lækkaði í kr. 17.800 á árinu 2015 og í kr. 16.400 á árinu 2016.

Hið furðulega ákvæði í því fjárlagafrumvarpi var orðað þannig.   Útvarpsgjald er lækkað úr 18.800 kr. í 16.400 kr.  Með bráðabirgðaákvæði er gjaldið þó ákveðið 19.400 kr. fyrir árið 2014 og 17.800 kr. á árinu 2015.

Útvarpsgjaldið hefur aldrei verið kr. 18.000 heldur var það fyrst 17.200 í tvö ár og síðan 17.900 og því næst 18.800 í tvö ár og loks 19.400.