Loftlagsruglið á mbl

Í hverri fréttinni af annarri þarf orðið loftlagsbreytingar að komast að þótt það hafi ekkert með efnið að gera í raun og veru.

Í þessari frétt segir: "Lofts­lags­breyt­ing­ar hafa valdið þurrk­um og vax­andi hita­stigi í yfir tvo ára­tugi"

Förum yfir þessa staðhæfingu. Valdið þurrkum er ósannað og þurrkar eiga sér stað á hverju ári. Vaxandi hitastigi er líka ósannað því svipað hitastig virðist hafa verið fyrir um 80 árum síðan.

Þessi áróður er orðinn mjög þreyttur og ekki líklega heldur er á útleið. Út af því þegar fólki verður kalt og hungrað þá skipta þessar svokölluðu loftlagsbreytingar engu máli. Loftslagið er síbreytilegt svo því sé haldið til haga.

Gaspráðherrann Sigurður Ingi vildi meina að það þyrfti að verja strandlengjuna í auknum mæli vegna hækkun sjávaryfirborðs án þess að tilgreina hvaða strandlengju hann ætti við. Veit ekki betur en strandlengja Íslands sé mörg þúsund kílómetrar. Vissulega þarf að verja ströndina við Jökulsárlón sé ætlunin að halda veginum opnum. Spurningin sem eftir stendur er samt alltaf, af hverju er þá verið að gera bryggjuhverfi og uppfyllingar?

Loftlagsbullið er á útleið og vinstri menn verða að finna sér nýtt hugarefni til að hræða fólk til hlýðni.

Tveir látnir eftir skógarelda í Kaliforníu

Athugasemdir

[Trausti (IP-tala skráð) 7.9.2022 kl. 14:20]

Sæll Rúnar,

Svo sammála þér í einu og öllu. Það má bæta því við ef fólk horfir til himins núna þá sér það flugvélar hátt á lofti fljúgandi þvers og kruss um Reykjanesið og skilur eftir sig rákir sem ná eins langt og augað sér. Þessar hvítu rákir stækka og verður svo á endanum eins og skýjabakkar. Það er nefnilega munur á Contrail og Chemtrail og mæli með að fólk skoðir Geo Engineering á youtube eða google.com Þegar ég minntist á þetta við fólk fyrir 15 árum var ég kallaður álhatturinn eða samsæriskenningar nuttari.. Í dag er þetta meira opinbert og ríkisstjórnir landa eru að dæla peningum í þetta. Ef þú notar flightradar24 á þær flugvélar sem eru að spreyja þessu um landið þá kemur ekkert upp /  þær koma ekki fram. Við sem trúum ekki á þetta climate change kjaftæðið hljótum að spyrja okkur hvað í fjandanum eru þeir að spreyja?

Can geoengineering save the planet? Injecting particles into the atmosphere to counter the warming effects of climate change would do nothing to offset the crop damage from rising global temperatures, according to a new analysis by UC Berkeley.

[Hörður Þormar (IP-tala skráð) 7.9.2022 kl. 16:16]

Sumir telja ekki neina loftslagsvá í vændum, jafnvel þótt ýmsir óvanalegir veðurfarsviðburðir hafi átt sér stað á undanförnum árum. Aðrir sem hafa upplifað meiri hita, flóð eða þurrka heldur en dæmi eru til um í mörg hundruð ár eru kannski ekki á sama máli.

Menn hafa í marga áratugi fylgst með rýrnun jökla á jörðinni, það hafa fundist mannsleifar í Ölpunum (Ötzi) sem legið hafa í jökli í mörg þúsund ár. Freðmýrar bráðna í Síberíu, Alaska og Kanada, þar losnar stóraukið magn af metangasi út í loftið (gróðurhúsaáhrif 25x meiri en CO2). Yfirborð sjávar hækkar, það hefur verið staðfest með síendurteknum mælingum. Sjórinn súrnar, það er staðfest, m.a. af Hafró. Það hefur mikil áhrif á lífríki sjávar, t.d. kórallarifið mikla við Ástralíu.

Þetta sannar þó ekki að einhverjar hamfarir séu í aðsigi. En er ekki allur varinn góður?

Rúnar Bragi, væntanlega átt þú bíl sem er með margs konar öryggisbúnað, svo sem bílbelti, loftpúða o.fl. Það munu þó, sem betur fer, vera lítil líkindi til að hans sé nokkurn tíma þörf. Myndir þú vilja kaupa bíl sem er án þessa rándýra öryggisbúnaðar?

[Rúnar Már Bragason, 7.9.2022 kl. 16:37]

Þakka ykkur fyrir.

Trausti það er frekar skrýtið hvað flugvélarnar mega en bílar ekki. Samræmi þarna á milli væri vel þegið.

Hörður fyrir það fyrsta þá veit enginn hvað eða hvernig jöklar litu út fyrir 1000 árum í Evrópu því engin skráning er til um það og höldum því til haga að Vatnajökull var klofinn í tvennt fyrir um 1000 árum. Sýrustig sjávar er eitthvað sem breytist og frekar nýlega farið að mæla. Hvað er rétt sýrustig veit enginn en varðandi kóralrifin þá virðist það hafa verið frekar ýkt líkt og með bráðnun suðurskautsins. Ef þú skoðar mannkynssöguna þá hefur tilfærsla fólks oft snúist um þurrka á svæðum eða erfitt að búa á svæði af einhverjum orsökum (öðrum en stríði). Varla hefur það verið allt vegna CO2?

Er sammála að náttúruna á að umgangast með virðingu en mér finnst bara að blaðamaður eigi að hafa lágmarksþekkingu á eðli hluta í stað þess að bulla um loftlagsmál á hlutum sem skipta engu máli í grundvallaatriðum varðandi þessa skógarelda.

[Hörður Þormar (IP-tala skráð) 7.9.2022 kl. 17:39]

Rúnar Már.

Um það hefur verið deilt hvernig nafnið Klofajökull er til komið, ef ég man rétt telja sumir hann vera nefndan eftir bænum Klofa.    Ekki veit ég hvernig þú getur fullyrt að engar upplýsingur séu til um jökla í Ölpunum á fyrri öldum, a.m.k. er sannað að "Ötzi" hefur hvílt í jökli í mörg þús. ár.

Hér er myndskeið með þekktum þýskum eðlisfræðiprófessor, Harald Lesch, þar sem hann fjallar um loftslagsmál. Þú mátt svo sem mín vegna kalla hann "bullukoll". Þeir sem ekki skilja þýsku geta náð í tölvuþýddann texta á ótal tungumálum:                          Missverständnisse zum Klimawandel aufgeklärt | Harald Lesch           

[Rúnar Már Bragason, 7.9.2022 kl. 18:01]

Hörður

Ekki veit ég hvernig þú færð út að ég sagði engar upplýsingar þegar ég sagði engin skráning. Á því er stigsmunur. Líklega fannst hann þarna í jöklinum af því að einhver fór loksins þangað upp. Engin þörf á að fara þangað ef ekkert er að sækja.

Þessi prófessor virðist segja það sama og allir hinir en gleymir auðvitað jöfnunni sem hjálpar fólki að lifa á jörðinni - aðlögun. Fólkið í heiminum aðlagast breyttu loftslagi og þar með var váin fyrir bý.

[Ásgrímur Hartmannsson, 8.9.2022 kl. 17:50]

Það sem einu sinni var kakllað "veðurfar" og "árstíðir" heitir nú "loftslagsbreytingar."

Þetta er svipað og þegar Aztekar voru að fórna fólki til þess að sólin kæmi upp.  Sama concept.

[Helgi Bjarnason (IP-tala skráð) 10.9.2022 kl. 11:06]

Trausti í aths:1 . hættu þessari þvælu . það er ekki verið að spreyja einu né neinu hérna yfir . Í hvaða tilgangi ætti það eiginlega að vera ? Þetta er einfaldlega súrefni sem þéttist í þotuhreyflum og myndar þess vegna sjáanlega gufu sem eftir þéttninni leysist mismunandi hratt upp (Basic barnaskólaeðlisfræði) sumir sem trúa þessu bulli eins og þú benda þá oft á að það komi líta strókur í vængendum, enn og aftur er það vegna þess sama, súrefnið þéttist, en ekki vegna þotuhreyfla í því tilviki, heldur vegna þess að það er beygja upp á við á blá vængendunum sem beinir súrefninu í rás. Þú getur sjálfur séð þetta til dæmis ef þú ferð um borð í vél sem hefur svona vængenda, sest þar sem þú sérð út á vænginn, þá sérðu þetta gerast , þú getur spurt hvaða flugmann sem er að þessu. Ég hef líka sjálfur séð þetta gerast beint fyrir framan augun á mér á leið minni til Spánar.