Lesskilningur barna - sendum foreldra á námskeið

Núna er sjokk í gangi yfir lélegum lesskilningi barna og skólum kennt um (að vissu leyti rétt). Hið rétta er að allur lærdómur hefst heima hjá þér og þegar foreldrar eru svo uppteknir í símanum að þá apa börnin auðvitað eftir því.

Hver hefur ekki tekið eftir að fara á veitingastað og sjá foreldrana í símanum lengur en börnin. Þetta er bara mun algengara en flestir myndu vilja viðurkenna.

Ekki því að breyta að orðaforði og skilningur unga fólksins er greinilega minni en þeirra sem ólust upp á 9 áratugnum. Skýring gæti verið hversu mikið er lesið á ensku en einnig lítið lesið sér til gagns. Of mikið af lesefni er dægrastytting t.d. grein um fótbolta. Þær eru oft einfalt mál og líka æði oft illa skrifaðar. Enda á þetta ekki að vera háfleigt orðað og einungis verið að segja frá atburðum.

Með því að lesa svona mikið af textum af atburðum þá missir lesandinn af flóknum orðum, samsettum orðum og skilning hvernig hægt er að oft að finna merkingu orða í samsetningunni. Tökum sem dæmi orðatiltækið að vera í fararbroddi. Þið getið bókað að margt af ungu fólki á erfitt með að skilja þetta.

Legg til í næstu Pisa könnun að gerð verði samskonar könnun fyrir foreldra barnanna til að bera saman hvers vegna lesskilningur er svona lélegur. Tilgátan er sem sagt að lélegur lesskilningur er afleiðing hvernig foreldri kennir barni að lesa eða sé fyrirmynd í lestri efnis sér til gagns.

Einn á móti á Cop28

Jæja það fannst þá einhver á samkomunni sem ekki var tilbúinn að taka undir halelújah kórinn. Tek hattinn ofan fyrir manninum enda býr hann ekki á vesturlöndum og hefur enga hagsmuni að starfi þar.

Hann segir réttilega ef ætlunin er að vera sjálfbær, þe mannkynið, þá er jarðeldsneyti nauðsynlegt. Held það fari nú að heyrast annað hljóð í skrokkinn þegar rafmagnsleysi verður hluti af daglegu lífi. Engar flugferðir langt í burtu til að skemmta sér (í nafni vinnu). Rotnuð matvæli vegna lélegrar kælingar eða illa pakkað inn (bannað að nota plast til að pakka inn sem geymir matvæli betur).

Þessi halelújah kór þarf að vakna til lífsins. Jarðeldsneyti er ekkert á förum þrátt fyrir viljayfirlýsingu. Jarðeldsneyti kemur að flestu í okkar daglega lífi t.d. skóm. Hvernig eigum við að búa almennilega hér norður í heimi ef við fáum ekki almennilega skó? Hvernig ætla íslendingar að halda uppi sínum lífstaðli ef við eigum erfitt með að flytja inn vörur og matvæli? Hvað með lyf eða lækningatæki?

Á sama tíma er í lagi að fara í stríð vegna þess að það er fjárfesting fyrir einhverja. Þá er í lagi að nota allt jarðeldsneyti til að murka lífið úr fólki.

Ef fólk trúir á rafmagnsbíla sem nota meiri olíu í dag en bíll sem keyrður er 100 þúsund kílómetra (auk alls plastsins sem er inni í bílnum) þá er fólk að blekkja sjálft sig. Bílarnir eru þyngri og þar með slíta malbiki meira. Það vill bara svo til að þarf olíu til að leggja malbik nema óskin sé að keyra á malarvegum.

Það mættu (ættu) vera fleir á móti á cop28.

Forseti COP28 sagður afneita hlýnun jarðar

Að elta gullgæsina

Gulli umhverfis er að elta gullgæsina. Láta vita af því að fjölskylda hans á land sem hægt er að nota undir vindmyllur. Auðvitað allt sett fram og selt án þess að spyrja þjóðina. Jú hann á landið og hvað kemur þjóðinni það við hvernig hann notar landið.

Hann gleymdi því að orkan sem hann ætlar að skapa í 25 ár þarf tengivirki og hver borgar það? Jú auðvitað þjóðin því Gulli þarf að græða svo mikið.

Allir aðrir tala ekki um þessa ráðstefnu sem viðskiptaþing. Fyrir þeim er þetta alvara (sem á þó lítið skylt við raunveruleikann) sem þarf að fást við. Gulli er bara í viðskiptum. Geggjað að vita að hann sé í viðskiptaferð í boði skattgreiðenda.

Pilsfatakapítalismi eða spilling? Kannski er það bara það sama.

Snúið að halda COP á Zoom

Fyrir þessa rúmlega 80 sem fara á Cop28

Væri ekki nær að taka snúning á dansgólfinu en fara á þessa innantómu ráðstefnu?

 

Írar farnir að mótmæla aðgerðum stjórnvalda í innflytjendamálum

Þótt óeirðunum hafi verið tekið af hörku þá halda írar enn að mótmæla innflytjendum. Þannig er lítill bær á Írlandi að loka aðkomu fleiri innflytjenda í bæinn. Skilaboðin eru skýr - það verður að taka á þessum á annan hátt (sjá hér).

Þessi gengarlausa innflytjendastefna er svo glórulaus að sífellt fleiri sjá að þetta gengur aldrei upp. Fullt af fólki hér á landi er því miður enn blint á þessa stefnu þótt virðist vera ákveðin vakning. Í hamförunum í Grindavík kom vel í ljós þessi mismunun sem gerð er á milli flóttamanna og þeirra sem skylt er að yfirgefa hýbýli sín. Fokið er í flest skjól þegar heimamenn eru orðnir annars flokks þegnar í sínu eigin landi.

Írska löglegreglunni er einnig á furðulegri vegferð. Þannig hefur veggjakrot sem stendur "írsk líf skipta máli" verið álitið sem hatursglæpur. Hvernig hægt er að snúa hlutunum algerlega á hvolf er eitthvað sem því miður er alltof algengt í dag. Ljóst er þó að slík stefna er ekki sjálfbær og leiðir ekki til annars en sundrungar.

Hvenær ætli stjórnvöld vakni?

Trúir fagstjóri Matís á fljúgjandi bíla?

Fagstjóri hjá Matís fer mikinn og nánast heimtar að fólk hætti að borða kjöt. Hvers vegna?, jú vegna loftlagsins. Þegar greinin er lesin í Morgunblaðinu þá er þetta klippt og skorið frá WEF að korn, baunir, ber, ávextir og pöddur séu framtíðarmatur okkar.

Þessi spá hans minnir mikið á spár frá 5 áratug síðustu aldar þegar menn trúðu á fljúgandi bíla. Eins og við vitum þá stóðust þær spár ekki.

Hann gefur sér að mannkyni fjölgi svo mikið að ekki sé nógur matur til fyrir alla. Hins vegar er fátt sem bendir til að ekki sé nógur matur en hins vegar er honum frekar misskipt á milli fólks. Réttilega bendir hann á matarsóun sem gæti bætt ýmislegt. Hið rétta væri frekar að nota afganga en að krefjast þess að þeim sé hent. Við það skapast ákveðinn matur sem hægt er að nýta og þannig minnka nýjan mat sem gæti hjálpað fagstjóranum í loftlagskrísu sinni.

Hann talar líka um fjölgun mannkyns og vill að þetta gerist um 2050 eða eftir aldafjórðung. Raunsæið er lítið og satt að segja lítur frekar út fyrir fækkun mannkyns upp úr 2050 en fjölgun út í hið óendalega.

Það má hafa gaman af spádómum framtíðar en ekki vildi ég þurfa að standa frammi fyrir því hvað kemur í ljós hvernig málin verða 2050.

Belgjurtir og korn eru matur framtíðar

Eitt prósent ríkustu spúa meira kolefni en tveir þriðju mannkyns

Þessi fullyrðing kemur í grein á zerohedge byggt á sænskri rannsókn. Þetta er mjög athyglisvert því flokkar sem kenna sig við jöfnuð hafa tekið kolefnistrúna svo alvarlega en eru í raun að ýta undir ójöfnuð. Þau eru að upphefja þetta eina ríka prósent gegn öllum hinum sem eru bæld niður með öllum aðgerðum í kolefnistrúarsporinu.

Ef kolefni væri svona mikið vandamál þá ætti Davos fundur WEF ekki að spúa á 4 dögum jafnmikið og allur bílafloti landsmanna. Svo mikil er hræsnin í þessu að það verður sífellt ótrúlega að einhver leggi þetta málefni fyrir sig. Hér eru þeir ríku að bæla niður hina fátæku.

Öll skattlagningin sem hefur fylgt þessu bitnar líklega verst á millistétt enda er sú stétt á hraðri útleið.

Hvernig fengu flokkar sem vilja upphefja hinu fátæku þá glóru að ýta undir með hinu ríku myndi koma á meira jafnvægi? Vissulega er gott að hafa eitthvað nógu fjarlægt venjulegu fólki, tala um að það sé svo flókið og að sérfræðingar vita alveg hvað þeir eru að tala um. Umpólun jafnaðarfólks (vinstri stefnu) er ekki ósennileg enda lýsti George Orwell þessu vel í Animal Farm. Sumir eru jafnari en aðrir.

Þeir sem trúa að Kristín skattadrottninga hugmyndasmiður hafi einhverjar lausnir í íslenskri pólitík eru að fara villur vega. Lægri skattar (afnema kolefnisgjald á eldsneyti) og minni ríkisbúskapur er svarið. Falla frá kolefnistrúarkirkjunni og koma á venjulegu lífi.

Ætla ekki að spá neinu en tel samt að innantómur hljómurinn í kringum kolefnistrúarkirkjuna sé á undanhaldi.

Þetta lag á vel við um efni dagsins (Fall on me - REM). Sýruregnið sem átti að eyða heiminum en enginn talar um í dag.

Óeirðirnar í Dublin sýna vel veikleika í heiminum í dag

Óeirðirnar í Dublin í gær endurspegla vel hversu illa er farið fyrir heiminum í dag og upplýsingaflæði varðandi atburði. Eftir hnífárásina þá breiddist út boð um að árásamaðurinn hafi verið innflytjandi. Við það myndaðist óánægja sem hefur verið að krauma lengi á Írlandi. Þarna brýst út reiði sem reynt er að fela.

Þetta lag lýsir vel hvernig komið er fyrir ungum karlmönnum á Írlandi og hefur söngvarinn lýst því að ekki sé vel gert fyrir unga karlmenn (lagið I love you með Fountain D.C.)

Í þessari stöðu fáum við tvennt sem þarf að takast á við í dag. Ekkert er gefið upp um árásina sem veldur því að slúður kemst á skrið á samfélagsmiðlum. Ekkert ósvipað og þegar hávært fólk fær því framgengt að fjarlægja styttu.

Fjölmiðlar, sem oft eru úti á þekju, virðast heldur ekki vita hvernig þeir eiga að fjalla um þetta. Þeir fá engar leiðbeiningar um það.

Langar líka að nefna hversu illa skrifandi blaðamenn eru. Í frétt á mbl.is um Íslending sem var stattur í borginni þá lítur greinin út eins og hún sé skrifuð af grunnskólanema. Ætla að taka eitt dæmi. Þetta er ekki árás á blaðamann sem er nafngreindur heldur gerist þetta alltof oft á mbl.is. Þótt ég sé ekki best skrifandi þá blöskraði mér algerlega setningin: "...hafa komið við í mat­vöru­búð á leið heim frá því að borða kvöld­mat." Satt að segja veit ég ekki hvað það kemur málinu við að þau væru í kvöldmat en að segja: leið heim frá því að borða. Þetta er ekki íslenska, líkast til eitthvað babl. Venjan er að tala um að fara út að borða.

Ef blaðamaður móðgast þá vil ég segja þetta: Íslenska er ævilærdómur og við getum alltaf gert betur.

Því miður eru fjölmiðlar í dag drasl sem virðast ekki lesa yfir efnið og ritstjórn ansi veikluleg.

Vanhugsaðar fantasíuhugmyndir

Í þessari kynningu á stokk um Sæbraut kemur vel í ljós hversu miklar fantasíur hafa verið í gangi hjá Reykjavíkurborg varðandi stokk. Þeir héldu að þarna væri komið stórkostlegt svar við lóðaskorti (ímynduðum) en vakna upp við að líklega skili þetta fáum lóðum.

Umferðalega er erfitt að sjá að stokkur bæti umferð niður Ártúnsbrekkuna vegna þess hversu þröng innkomann er í stokkinn þegar komið er úr brekkunni. Ekki er gert ráð fyrir þriðju akreininni til þess. Ein ódýr leið úr þrengingum þarna, fyrir utan að taka ljósin við Knarrarvog, er að setja brú fyrir þá sem koma af Breiðholtsbrautinni og yfir þá sem fara niður á Breiðholtsbraut. Þannig minnkar stíflan sem sífellt myndast þar. Hins vegar leyfir Reykjavíkurborg engum að hugsa í lausnum.

Stokkur um Miklubraut er álíka mikil fantasía og vel hægt að bæta öryggi gangandi með göngubrú.

Fantasíur eiga heima í skáldsögum en ekki í stjórnkerfinu.

Miklabraut í stokk eða göng

Tengi vel við þessi skrif um strætó

Held að flestir sem nota strætó og þurfa að taka annan vagn tengi vel við þessar lýsingar í greininni. Ég hélt út í tæp tvö ár en gafst upp þegar mætti á strætóstöð og þurfi að bíða í 40 mínútur eftir vagninum. Hafði af venjulega að bíða í 15 mínútur í Mjóddinni en þegar biðin er komin í klukkustund og það tekur um 1 og hálfa klukkustund að koma sér heim úr vinnu þá er nóg boðið.

Hef ekki séð eftir þeirri ákvörðun en í staðinn hlustað á dætur mínar harma yfir þssu strætókerfi.

Smáatriðin eru það sem skilgreina kerfið og smáatriðin eru öll í lamasessi hjá strætó. Borgarlína mun ekki leysa þann vanda heldur auka. Ef ætlunin er að auka veg strætó í samgöngum þá væri fyrsta skref að taka á smáatriðum og koma þeim í lag.

Nokkur dæmi sem hægt væri að byrja á:

- Tengingar milli hverfa þurfa að vera þannig að bið sé ekki meiri en 5 mín eftir næsta vagni

- Greiðslukerfið þarf að virka. Holland hefur virkt kerfi þar sem skannað er inn þegar komið í vagninn og út þegar farið.

- Það þarf að ganga betur að fara í og úr vagni t.d. með að hleypa inn í gegnum allar hurðir.

- Gera almennilega könnun á hvert fólk er að fara og sníða kerfið eftir því

- Hafa ekki svona heitt í vögnunum

- Losna við tröppur þegar gengið inn og út

- Auka vægi tengistöðva

 

Lausnin er ekki í gegnum borgarlínu heldur flýtileiðum og bæta tengingar í kerfinu. Koma á vögnum sem keyra bara stuttar leiðir í úthverfum. Hætta að gera ráð fyrir að einn vagn sinni úthverfum. Þannig færi bara vagn frá Miðbæ Hafnafjarðar en ekki út á Vellina eins og gerir í dag. Tengistöðvar eru þannig misstórar en ætti að vera við flest hverfi og auðvelda að tengjast öðrum hverfum. Hugmyndir um borgarlínu er svo langt frá þeirri hugmynd.

Alveg sama hvaða óskyhyggju fólk hefur um borgarlínu þá snúast samgöngur um að komast á milli á sem þægilegastan máta. Hvernig væri þá að setja upp þannig mynd og skoða hvort við ráðum við að reka slíkt kerfi. Annars er það bara bílinn.

 

Ég gafst upp og keypti mér bíl