Hræsni Viðreisnar ráðherra að svara í frösum

Hvernig getur ríkisstjórn sem kom á skortkerfi leiðrétt það með hærri greiðslum til ríkisins. Þetta svar um að sé leiðrétting stenst enga skoðun því kerfið var ákveðið af ríkisstjórn en ekki þjóðinni.

Hræsnin að tala um að standa ekki með þjóðinni er ekkert annað en innihaldslaus frasi til að losna við að svara spurninginni um tvöföldun skattgreiðslna. Einnig að sleppa að svara fyrir hvaða afleiðingar þetta hefur fyrir minni byggðir landsins.

Það er ekki að standa með þjóðinni að ganga í ESB eins og Viðreins heldur.

Frasar eins og "Veistu hvað þeir græða í sjávarútvegi" er ekkert nema öfund og léleg þekking á sjávarútvegi. Þótt nokkur fyrirtæki hafi komið áru sinni vel fyrir borð þá á það bara alls ekki við um heildina. Að sjá það ekki er alger hræsni.

Mesta hræsnin er að halda að ESB sé með betra kerfi en Íslendingar.

Viðreisn er ekki bjargandi í hræsni sinni.

Hanna Katrín: „Mér er nokkur vandi á höndum“

ESB sinnar eru vinstri sinnar

Könnun þar sem helmingurinn tekur ekki þátt getur ekki útlistað neinu um hvað þjóðinni finnst. Þetta getur vel verið niðurstaða könnuninnar en ef staðalfrávikið er ansi hátt þegar helmingurinn svarar ekki.

Niðurstaðan er, eins og vitað var fyrir, að þetta mál klýfur þjóðina í tvennt og langt frá því að vera sáttaleið um pólitíska framtíða landsins.

Flokkur eins og Viðreisn heldur að hann sé hægri flokkur en allt sem hann framkvæmir er svo mikið til vinstri að hálfa væri nóg. Það er voða gaman að blekkja sjálfan sig en flokkur sem vill ganga í kommabandalag ESB er ekki hægri flokkur. Ekkert frekar en flokkur sem vill auka enn frekar veiðileyfagjald í sjávarútvegi er ekkert annað en helber vinstri flokkur.

Það allra skondnasta er að ræða við ESB sinna um aðild að ESB. Þar koma frasarnir eins og vextir, spilling, styrkir, gjaldmiðill og eitthvað álíka. Síðan þegar maður spyr aðeins upplýsts efni, eins og breytilegir vextir í ESB, þá er fátt um svör. Þar er alltaf miðað við vexti seðlabanka evrópu eins og það séu vextir sem allir bankar evrópu noti. Alveg eins og á Íslandi er vextir seðlabanka einungis viðmið en ekki sannindi. Ekkert frekar en það að minni lönd borga hærri vexti en þau stóru.

Staðreyndin er sú ef Ísland næði viðmiðum um inntöku evru þá væri engin þörf fyrir evru. Þá væri vaxtakostnaður líklegri til að vera lægri en í ESB.  Vaxtatalan segir ekki alla söguna en í dag er vaxtakostnaður á svipuðu róli hvað sem ESB sinnar segja. ESB sinnar tala aldrei um vaxtakostnað því það sýnir svo vel innihaldsleysi í frösum þeirra.

Það er voða þægilegt að tala í frösum og sleppa að taka inn alla gallana en það er ekki rökræða heldur áróður.

Ríflega 44% eru hlynntir því að Ísland gangi í ESB

Aukin skattheimta í sjávarútvegi eykur samþjöppun

Þegar boðaðar hafa verið 100% hækkun á veiðileyfagjaldi og halda því fram að hafi engin áhrif þá segir þessi frétt allt sem segja þarf.

Fiskiskipum hefur fækkað síðasta áratuginn á sama tíma og skattheimtu hækkar. Eðlilega leitast færri eftir að eiga ekkert eftir þegar rekstur er gerður upp það árið. Hinir sem enn nenna þessu kaupa þá upp hina sem hætta.

Heimskan í ríkisstjórninni er svo mikil að þau sjá þetta ekki og tala um leiðréttingu. Er hægt að vera heimskari.

Fiskiskipum heldur áfram að fækka

Mannréttindi eins hóps hefur alltaf áhrif á annan hóp

Einhver skrýtnasta mýta síðustu ára er að mannréttindi hafi ekki áhrif á aðra. Vissulega má gera betur gagnvart einhverjum hóp en að halda að það gerist í tómarúmi er heimska. Vinstra fólk hefur verið mjög upptekið af mannréttindum og gert það að sínu helsta baráttumáli. Útkoman eru alls konar þvinganir á aðra hópa.

Þannig fá t.d. þeir sem vilja skipta um kyn mun meira vægi í umræðu og fjölmiðlum en þeir sem nota táknmál sem sitt aðalmál. Samt er sá hópur stærri og þarf meiri aðstoð til að ná almennilega sambandi við aðra, þar sem fáir kunna eitthvað í táknmáli. Undanfarin ár hafa tröllriðið yfir okkur að við eigum að gera hitt og þetta fyrir þá sem vilja skipta um kyn, breyta tungumálinu, flagga o.s.frv.

Hvað gerum við fyrir þá sem tala táknmál á sama tíma. Nákvæmlega ekkert meira en gert hefur verið hingað til. Þannig að sá hópur fær ekki aukin mannréttindi en hinn hópur á að fá allt. Þjóðfélag geta ekki þrifist undir svona kringumstæðum. Fyrir þá sem vilja skipta um kyn þá verða þeir að sætta sig við að þvinganir gagnvart öðrum ganga ekki upp. Það hefur svo oft sannað sig í gegnum tíðina og þekktast í dag er úr seinni heimstyrjöldinni.

Mannréttindi koma einnig mikið við þegar talað er um Palenstínumenn. Hins vegar er ekki minnst á það þegar talað er um Sýrland, Líbanon, Armeníu, Yemen og fleiri lönd. Þá allt í einu skiptir umræðan um mannréttindi ekki eins miklu máli.

Staðreyndin um hugtakið mannréttindi er að það er svo misnotað í pólitískum tilgangi að ekki stendur steinn yfir steini hver merkingin er þegar það er notað í fjölmiðlum eða umræðu. Hefurðu hugleitt það að við hækkun veiðileyfigjalda þá ertu að taka mannréttindi af fólki sem vinnur í þessum geira?

Auðvelda svarið er að svo sé ekki heldur sé þetta leiðrétting. Þá spyr á móti leiðrétting fyrir hvern? Þegar hugtakið mannréttindi er notað í pólitískum tilgangi þá tapa allir.

 

E.S. Líklegt er að ungt fólk skilji ekki orðanotkunina steinn yfir steini og því verður að spyrja hvað um mannréttindi íslenskrar tungu að vera skilin?

Fáheyrt að bjóða upp á aðra eins vitleysu í stjórnarsamstarfi

Eina sem stjórnin virðist geta hrósað sér af er hraðafgreiðsla þingmála í gegnum þingið. Því miður er þingið bara stimpilverksmiðja þar sem fólkið er sett í ruslaflokk. Þessi ríkisstjórn verður ekki minnst fyrir vandaða stjórnsýslu, vel unnin mál eða einstök gæði.

Minnst verður þessar stjórnar fyrir skandala, lélega stjórnsýslu, yfirlýsingar án umboðs alþingis eða þjóðar og smjaðra upp ákveðið lið.

Ömurleikinn verður ekki meiri.

Kristrún: Fáheyrt að vinna svona hratt

Tækifærissinnuð ríkisstjórn

Íslandi í dag er stjórnað af tækifærissinnum. Það átti einnig við um síðara tímabil síðustu ríkisstjórnar. Í raun má segja að aðeins ein ríkisstjórn síðan eftir hrun hafi fylgt eftir smá snefil af stefnu þegar Sigmundur fékk forsætisráðuneytið. Allar hinar hafa meira og minna verið tækifærissinaðar.

Tækifærissinnum er að finna á öllu litrófi stjórnmála en því miður hafa allar stefnur gefið eftir á Íslandi enda lítill framgangur í landinu eftir hrun. Fjölgun ferðamanna var ekki stefna heldur tilviljun sem átti sér stað.

Með hækkun veiðileyfigjalda er farið eftir stefnu tækifærissinna og fyrir því eru þrjár megin ástæður:

1. Að halda að gjöldin séu stöðugar tekjur.

2. Að halda að það sé línulegt samband upp á við en ekki sveiflukennt.

3. Að gera ráð fyrir að hafi ekki áhrif á aðra þætti í atvinnulífi landsins.

Sömu þættir eiga við um bjánalega kommúnísku 5 ára fjárlagaáætlanir sem hafa aldrei staðist og leyfi mér að fullyrða að munu aldrei standast. Aðal ástæðan fyrir því er að það vantar stefnu. Svörin undanfarið í utanríkismálum er gott dæmi um tækifærisstefnu þar sem eitt svar er í dag en annað á morgun. Eitt við á um ákveðið ríki en allt annað um hitt ríkið, þótt megi finna ákveðinn sama grunn að baki.

Líkja má tækifærissinum við draugaskip. Þau halda floti en eru ekki á neinni leið, hvað þá á leið í land.

Sýndarveruleiki bæjarstjóra Kópavogs

Í dag voru fréttir á RÚV og visi.is um að bæjarstjórinn í Kópavogi hafi lagt til að lækka laun bæjarfulltrúa um 10%. Efnislega fylgdi ekkert meira um útfærslu á Rúv en þetta var sagt gert til að vinna á móti launahækkunum kennara. Visi.is var meira efnislega og kom þar í ljós að 10% voru laun fyrir setu í bæjarstjórn og lækkun á nefndarstörfum. Hins vegar áttu heildarlaun bæjarstjóra ekki að lækka og því bæri hún einungis 2% lækkun á móti allir hinir með 10%. Hún reyndi síðan að réttlæta gjörningin með að hinir væri í annarri vinnu en hún ekki.

Þótt þetti hljómi voða gott mál þá er þetta ekki einu sinni til að vega upp á móti launahækkun í einum skóla. Hver eru skilaboðin fyrir aðra starfsmenn Kópavogsbæjar? Að það megi ekki hækka launin þeirra meira, helst að lækka þau.

Vissulega eru laun bæjarfulltrúa og bæjarstjóra alltof há en afhverju þá ekki bara að segja það og leggja fram um gott fordæmi. Hætta verðbólguhvetjandi hækkun launa þeirra með launavísitölu og fylgja hækkunum á almennum markaði.

Svona sýndarmennska á heima í Samfylkingunni og bæjarstjórinn ætti að hætta að ljúga að sjálfri sér og skipta um flokk.

Tekur gervigreind saman ruslið eftir okkur

Eitt það umtalaðasta í tölvuheiminum er gervigreind og hún sé að umbreyta öllu saman og taka yfir störf okkar. Eiginlega meira í ætt við heimsendaspár heldur er raunveruleikann og hægt er að leggja út frá mörgum rökum sem hafna þessu.

1. Gervigreind mun ekki taka saman ruslið eftir okkur. Ef ekki er til efniviður í rafbíla þá er varla til efniviður í tæki til að safna ruslinu eftir mannfólkið.

2. Að byggja hús er ekki enn gert af róbótum eða gervigreind. Að hanna hús er hægt með gervigreind en það byggir þá á því að hafa öll hús út frá ákveðnum þáttum.

3. Bill Gates spáir því að eftir standi störf forritara, lífefnafræðinga og í orkuvinnslu. Hvað eiga allir hinir að gera? Hver framleiðir mat og skemmtanir fyrir þá sem enn vinna? Hvað með listsköpun eða handverk?

4. Þó gervigreind geti safnað miklum gögnum og útungað texta, myndefni og fleiri á stuttum tíma þá skapar hún ekki neitt í raun. Þetta er allt byggt á því sem er þegar þekkt. Ef nýsköpun er á undanhaldi vegna yfirtöku gervigreindar hvernig lærir gervigreindin þá nýja hluti? Með öðrum orðum það verður stöðnun eða réttara sagt bakslag þar sem hlutirnir breytast ekkert.

5. Þar sem hlutverk fólks staðnar þá hafnar það þessu með tímanum og leitar í annað.

6. Hvaðan á orkan að koma? Ef ekki kemur til nýrrar orkuöflunar þá kemur algert bakslag í framfarir á gervigreind.

Þessi ofurtrú á að tölvur breyti öllu gerist mun hægar en spámenn segja. Fyrir 40 árum spáðu menn að prentun myndi deyja út. Vissulega í skötulíki í dag en samt enn til staðar. Spámenn sögðu að vinyl plötur myndu deyja en samt seljast þær enn.

Ofmat á tölvutækni er ekki nýtt og þetta tekur mun lengri tíma en spámenn segja til um. Í dag vantar orku og efniviður er ekki nægur til að gera mannfólkið að ónytjungum.

Ríkisstjórnin hvetur til verðbólgu

Boðaðar skattahækkanir ríkisstjórnarinnar munu ekki leiða til neins annars en verðbólgu og versandi atvinnuástands. Í algerri andstöðu við það sem boðað var fyrir kosningar. Jú skattahækkanir voru boðaðar en þá er verið að tala í andstööu við lækkun verðbólgu. Þetta tvennt fer aldrei saman.

Í gær var frétt þar sem formaður Eflingar segir satt að verðbólguhvetjandi laun bæjarstjóra, sem hækka tvisvar á ári, er forsendurbrestur þess að lækka verðbólgu. Hér á landi hélst verðbógla lág í mörg ár með því að frysta launahækkanir. Síðan komust kommúnistar að sem vældu um of lág laun miðað við vinnuframlag og verðbólga hefur verið stöðug síðan. Það skrýtna er að þrátt fyrir hærri laun er vandséð að vinnuframlagið sé nokkuð meira. Með öðrum orðum það var engin verðmætasköpun við hækkun launa þeirra.

Nú boðar ríkisstjórnin tvöföldun veiðileyfagjalda (+ hagnaðar af rekstri ef einhver verður eftir) og halda því fram að þetta sé í lagi. En það á sér engin verðmætasköpun stað svo það eina sem kemur í kassann er verri afkoma fyrirtækja, minni fjárfesting og færri störf. Allt liðir sem hækka verðbólgu. Hagfræðiskilningur stjórnarinnar er nákvæmlega enginn.

Minnumst þess að fiskideginum mikla var hætt vegna hás kostnaðar við eftirlit og öryggi. Það voru einmitt reglur frá Evrópu sem kröfðust þess og svo heldur þetta fólk að við höfum það svo miklu betraí ESB. Verðbólga í ESB er svo lág vegna þess hversu lítið er fjárfest þar og sum lönd jaðra við samdrátt.

Staðreyndin er sú að Ísland er hætt að standa undir launum ríkis- og sveitastjórna vegna þess að engin verðmætasköpun á sér stað. Við getum ekki hækkað laun stjórnenda tvisvar á ári án þess að auka verðmætasköpun og fjárfestingar í landinu. Hvers vegna eru þá verið að stefna á að minnka þær?

Að tala um leiðréttingu er enn heimskara og sýnir vel að þetta lið veit ekkert, nákvæmlega ekkert, um hagfræði.

Valdafórnir ríkisstjórnarinnar

Eftir sem atburðarásin í máli Ásthildar Lóu vindur fram virðist ljóst að henni var fórnað af ríkisstjórninni. Eitthvað sem kemur ekki á óvart frá Ingu Sæland sem hefur verið dugleg við að skipta fólki í og úr flokknum.

Svo lítur út fyrir að forsætisráðherra hafi lagt gildru fyrir Ásthildi og hún því miður fallið í hana. Að leka í hana að erindi hafi komið inn á borð er varðar hana án þess að gefa upp um hvað málið snýst er ákveðin gildra. Hvernig mun hún bregðast við? Því miður fyrir Ásthildi þá féll hún í gildruna og tók ákvörðun að fara framhjá stjórnsýslunni, og þar með var henni ekki sætt lengur í embætti.

Forsætisráðherra er samt engan veginn undan þegin bellibrögðum sínum og þarf að svara fyrir það af hverju var ekki farin leið stjórnsýslunnar, með það fyrir augum að fella málið niður eða halda fund og viðurkenna að málið sé ekki efni afsagnar.

Að fjölmiðlar hafi smjattað á þessu er annar handleggur enda risið mjög lágt á íslenskum fjölmiðlum þessi dægrin.

Enn og aftur þarf stjórnin að láta almenning vita að hún standi traust og samhuga sem frekar segir manni að þetta rétt hangi allt saman. Spurningin er frekar hversu langt er langlundargeð þjóðarinnar gagnvart svona lélegri ríkisstjórn.