Hvar er 4ða iðnbyltingin?

Fyrir um 4 árum var mikil herferð í fjölmiðlum um 4ðu iðnbyltinguna sem væri að bresta á og myndi gerbylta öllu. Nú 4 árum síðar þá heyrist ekki orð um þessa miklu byltingu sem átti að eiga sér stað. Hvað gerðist?

Það sem gerðist var að engin bylting var í sjónmáli. Það eina sem upp á vantaði er að tölvufyrirtæki áttu erfitt með að selja lausnir og því var farið í þessa herferð. Erfiðleikar tölvufyrirtækja koma vel í ljós í dag enda, ekki hér á lendi enn, að segja upp fólki í miklum mæli. Sjálfvirknivæðingin sem tölvufyrirtækin vildu kalla byltingu var í raun 20 ára gömul lausn sem hafði fram að þeim tíma ekki fengið rétt vægi vegna hagsmuna.

Í raun má segja að afskaplega lítið hafi komið nýtt fram í tölvumálum. Símar í dag eru á við borðtölvur fyrri ára en þótt þróað hafi verið niður í lítið tæki þá er sami grunnur á bakvið bæði. Þótt hlutur sé smækkaður þá þýðir það ekki að hann sé nýr.

Bill Gates telur að AI sé framtíðin frekar en Metaverse (sýndarveruleiki). AI er í raun framhald af sjálfvirkni svo það er auðvelt fyrir þá ríku að spá þeirri leið því þá aukast líkur þeirra að verða enn ríkari. Vandamálið við sýndarveruleika er hversu stutt er í fíkn sbr. leikjafíkn. Sjálfum finnst mér þessir AI spjallborð á fyrirtækjavefsíðum ákaflega leiðinlegir og langt því frá að geta svarað flóknum spurningum. Einfaldar spurningar er lítið mál að lesa þannig að ég sé engan tilgang með þessari lausn.

Fyrir 4 árum sagði ég að næsta iðnbylting snýst um orkumál og eina sjáanlega í ófyrirséðri framtíð voru fréttir um árangur í kjarnasamruna. Þangað til getum við þróað áfram 3ju iðnbyltinguna.

Vindmyllu fantasían

Nú á stýrihópur að fara að skila af sér tillögum varðandi vindmyllur. Orkustofnun bendir á hið augljósa að sé farið framhjá rammaáætlun við byggingu vindmylluvera þá geti það skapað sundrungu og andúð.

Útreiknað þá þurfum við meiri orku, sér í lagi ef ætlunin er að keyra á rafbílum um allt land. Þá kemur upp stóra vandamálið - afhendingaröryggi. Zerohedge fjallar um þetta má í Ástralíu og þar kemur í ljós að síendurtekið er notast við dísel varaafl til að sinna afhendingu orkunnar sem búið er að lofa.

Fyrir utan alla aðra mengun sem fylgir vindmyllum þá þurfa þær varaafsstöð til að geta sinnt stöðugri afhendingu orku. Málið er að raforkukerfi eru sett þannig upp að viðhalda þarf ákveðnum straumi og sé sá straumur ekki til staðar þarf að koma honum inn á kerfið því annars þarf að slökkva alveg.

Ástralía þar sem mikið er um sléttur og ætti því að skapa góðar aðstæður fyrir vindmyllur þá er orkuöryggið samt ekki nóg til að jafn straumur fari allan ársins hring inn á kerfið.

Hugmyndir um 40 vindmylluver um landið eru algerlega snargalnar. Ef orkuöryggið þarf að sækja í vatns- eða háhita orkuver þá eykst gríðarlega hættan á rafmagnsleysi hjá einhverjum hluta landsins, óstöðugleiki kerfinu. Hver ætli myndi finna mest fyrir slíku?

Vindmyllur hafa verið prófaðar hér af Landsvirkjun en hafa ekki gefið út neitt efni um stöðugleika þeirra. Hvernig þetta fer saman við núverandi raforkukerfi. Mengunin sem af þessu hlýst, plast í spöðum, jarðrask, sjónmengun og hávaðamengun. Þar ríkir þögnin ein enda sjá þeir þetta í hyllingum sem lausn fyrir landsmenn.

Við eigum að stoppa þessar hugmyndir og bíða í nokkur ár. Sjá hvert verður farið út í heimi. Mín spá er að vindmyllur sem orkugjafi muni fara hallloka nema orkan sé notuð á takmörkuðu svæði og hafi gott varaafl.

Misnotkun á hugtakinu sjálfbærni

Í öllu tali um umhverfisvernd þá er hugtakið sjálfbærni mikið notað sem einhversskonar töfralausn á vandamáli (hvort sem það er rauverulegt eða ekki). Þannig er fengið út að íbúðahverfi eigi að vera sjálfbær, sjálfbært rafmagn o.s.frv.

Slík notkun á hugtakinu er ekkert annað en misnotkun. Uppruni hugtaksins er kominn úr líffræði þar sem fjallað var um afmarkað svæði sem var sjálfu sér nógt. Síðar tóku mannfræðingar þetta hugtak upp þegar þeir voru að lýsa veiðimanna- og safnara samfélögum. Það passaði alveg þar enda lifðu slíkir hópar yfirleitt á takmörkuðum svæðum þar sem nóg var handa mönnum og dýrum.

Að halda því fram að íbúðahverfi eða borg geti verið sjálfbær er misnotkun. Hvort það er viljandi veit ég ekki en sterkur grunum um það. Í fyrsta lagi er íbúðahverfi eða borg aldrei sjálfbær þegar vörur eru fluttar inn á svæðið eða þegar fólk vinnur utan svæðis. Í öðru lagi þá er orka ekki sjálfbær heldur alltaf bundin einhverju öðru t.d. vatsmagni, vindi eða tilbúnum efnum (kjarnorka). Ekki einu sinni sveitabæjir eru sjálfbærir því vélar og fleira er aðflutt.

Pólitík misnotar oft hugtök, sér í lagi þegar ætlunin er að hafa áhrif á hegðun fólks. Það verður enn verra þegar stofnanir taka þátt. Þetta versnar svo enn meira þegar fjölmiðlar fara að fjalla um efnið. Sífellt þynnist efniviðurinn þangað til fólk fer að trúa á viteysuna (eins og hugmyndin um sjálfbær íbúðahverfi). Sé horft til loftlagsumræðunnar þá er það í hræðilegum farvegi þar sem umræður eru af afar skornum skammti. Í frostdögum undanfarið kemur upp mengunarumræðan en skilaboðin enda alltaf á að taka rangan pól í hæðina (nagladekk eða eldsneytisbílar) án þess að taka umræðu um hvernig megi vinna úr ástandinu, til skemmri eða lengri tíma.

Ég tek lítið mark á fjölmiðlum. Vil frekar fá betri upplýsingar og fleiri sjónarhorn. Því miður er það yfirleitt, í dag, af mjög skornum skammti nema maður gefi sér góðan tíma.

Sem sagt það er hægt að tala um sjálfbærni í dýraríkinu á afmörkuðu svæði en ekki um fólk sem lifir í svæðum þar sem aðfluttar eru vörur eða sendar í burtu.

Lúmskilegi áróðurinn um offjölgun mannkyns

Við erum reglulega frædd um það í meginstraumsfjölmiðlum hversu hratt mannkyni fjölgar. Síðustu tölur segja að mannkyn sé komið yfir 8 miljarða. Stöldrum aðeins við og spekúlerum er allt sem sýnist í þessu?

Fyrir það fyrsta þá sýna vefsíður beina talningu sem er stöðug og miðar út frá náttúrulegri fæðingartíðni (total fertility rate) sem miðaðist við 2.5 í heiminum 2020. Þegar betur er rýnt í tölur þá sést að þessi fæðingartíðni hefur verið að lækka í heiminum og ekki bara á vesturlöndum. Til að lönd standi undir sér er miðað við 2.1 sé tíðnin sem til þarf en aðeins eitt land í evrópu nær þessu, Mónakó. Öll önnur eru lægri og meira segja fjölmenn ríki eins og Filipseyjar eru ekki með nema 1.9. Miðað við þessar upplýsingar, og jafnvel þó reiknivélin sé uppfærð árlega, þá eru miklar líkur að mannfjöldinn sé ofreiknaður.

Síðasta sem ég heyrði almennt um mannfjöldaspár þá var gert ráð fyrir fækkun mannkyns frá 2050 en miðað við hversu hratt náttúrulega fæðingartíðnin fellur í heiminum má alveg eins gera ráð fyrir að þetta gerist fyrr. Vesturlönd eru þegar á niðurleið og þrátt fyrir fjölda innflytjenda (svokallaðir flóttamenn) þá hækkar ekki náttúrulega fæðingartíðni.

Allt tal um að fækka þurfi mannkyni eru því algerlega út í hött. Það er engin þörf á að fækka mannkyni því það mun eiga sér stað á náttúrulegan hátt. Væri ekki nær að beina sjónum að því að gera líf þeirra sem nú þegar lifa og þeirra næstu kynslóðar líf betra. Beina sjónum að því hvernig megi nýta starfskrafta fólks lengur þannig að fleiri njóti betra lífs seinni hluta ævinnar.

Áherslur WEF, um fækkun mannkyns, byggja í raun á röngum forsendum. Það er of stutt í að mannkyni fækkar á náttúrulegan hátt til að gera þurfi einhverjar ráðstafanir sem fækka fólki. Samtök eins og WEF dreymir einungis um að stjórna heiminum. Nái þeir því mun það standa mjög stutt yfir og verða alger kollsteypa. Mannkynssagan er síendurtekin saga af fólki sem vildi stjórna heiminum, náði takmörkuðum árangri svæðislega og um tíma, en féll allt um sjálft sig.

Mannkynssagan segir okkur - það á enginn einn, samtök eða fáir, að stjórna öllu í heiminum.

Ekki benda á mig ég ...

Enn og aftur gerist meirihluti Reykjavíkur sekur um afsakanir í stað þess að láta verkin tala. Endalausar afsakanir fyrir því að vinna ekki vinnuna sína.Þetta er ekkert afskaplega flókið ef fólk væri að vinna vinnuna sína og það þýðir ekkert að benda á minnihlutann í því samhengi.

Vegagerðin kvartar mest yfir bílum sem eru fyrir, jú af því að það hægir á öllu og út frá útreikningum sem gerðir hafa verið yfir þann tíma sem þetta tekur.

Slíkir útreikningar virðast ekki vera til hjá Reykjavíkurborg heldur virðast borgarfulltrúar bora í nefið og benda á hvern annan. Sé þetta reiknað út þá tekur ákveðinn tíma að ryðja göturnar og til þess þarf ákveðið magn af tækjum. Samningar eiga auðvitað að gera ráð fyrir því en ekki einn aðalverktaki og síðan fjöldi undirverktaka.

Algerlega til skammar. (... kann ekki að skammast mín).

Enn verið að endurskoða snjómokstur borgarinnar

Bjarni skattmann stendur fyrir sínu

Bjarni Ben (skattmann) hefur hreykst sér af því að lækka skatta á laun en í staðinn hefur hann aukið alla jaðarskatta og veitingamenn finna mest fyrir því. Hráefnið þarf að flytja til þeirra sem gerist með ökutækjum (jú við hækkuðum álögur á eldsneyti). Einnig selja þeir áfengi (jú við hækkuðum áfengisgjaldið). Heildsalinn eða framleiðandinn sem kemur vörunni til veitingamanna þarf að hækka vöruna vegna flutnings og jafnvel annarra skattahækkana en já við jukum persónuafsláttinn og hækkuðum bætur. Það bætir ekki hag veitingamanna!

Bjarni skattmann: Það stefnir allt í góðan samdrátt í þjóðfélaginu á þessu ári og jaðarskattahækkanir ganga ekki upp lengur.

Segir ástandið með öllu óboðlegt

Skattakóngurinn Bjarni

Fjármálaráðherrann segist alltaf stefna að því að lækka skatta en þegar ferill hans er skoðaður þá í raun lækkar hann ekki skatta. Bjarni stóð fyrir lækkun á staðgreiðslu skatta en gerði það með tilfærslum. Á móti voru hækkaðir aðrir skattar og persónuafsláttur lækkaður. Um þessi áramót þá sá Bjarni ekki fært að hækka greiðslu af tómum dósum og flöskum um tvær krónur vegna þess að það hækkaði verðbólguna. Hins vegar er í lagi að hækka eldsneyti um 8 kr. Bjarni þarf að fara aftur í skóla held ég.

Í gegnum tíðina hafa Ólafur Ragnar og Steingrímur haft þennan titill skattakóngar en Bjarni hefur nú bæst í hópinn og gerir enn betur með þvílíkum halla í fjárlögum annað árið í röð.

Vinstri mönnum er ekki bjargandi.

Högg á fjölskyldufólk

Hið ósagða um vindmyllur

Flestar fréttir af vindmyllum eru settar fram á frekar jákvæðan hátt. Þær eigi að skapa mikið rafmagn og yfirleitt ósagt allt það neikvæða sem þeim fylgir (eða gert eins lítið úr og hægt er).

Stöð2 sagði frá frétt frá Færeyjum. Textinn er frekar jákvæður en með myndefninu sést vel eyðilegging lands og erfiðleikar við að koma þessu upp.

Þannig sést vel vegur á milli allra vindmylla í þyrpingu (lundur er rangnefni). Það þarf krana á hverja og eina til að koma þessu upp. Hann er auðvitað færður á milli en eftir því sem vindmyllum fjölgar í þyrpingu þá lengist tíminn við að koma þessu upp. Það þarf stjórnstöð og auðvitað rafmagntengingar frá staðnum. Við það bætist að til að koma þessu á staðinn þurfa vegirnir að hafa ákveðinn styrk. Það þýðir að sé t.d. sett upp á fjalli þá þarf að setja vel styrktan veg upp á fjallið sem auðvitað er ekki tekinn aftur.

Eftir stendur spurningin: Hver borgar veginn? Hver borgar ef styrkja þarf þjóðvegina til að koma ferlíkjunum á staðinn?

Fyrir 25 ára líftíma er þetta fullmikil mengun þegar hægt er að gera vatnvirkjun með mun minni mengun og lengri líftíma.

Misnotkun á ritskoðun og ritstjórnastefnu

Með Twitter uppljóstrunum er sífellt að koma betur í ljós hversu mikið ritskoðun FBI var misnotuð og þannig sett upp misnotkun á ritstjórnarstefnu miðils. Samfélagsmiðlar í USA þorðu ekki annað en að hlýða FBI. Það er ekkert lýðræðislegt við þetta og minnir helst á harðstjórnaríki. Þessa misnotkun á lýðræðinu hafa íslenskir fjölmiðlar, fyrir utan fáa, engan áhuga að koma til skila. Líklega finnst þeim þetta bara lítilvæglegt og vilja frekar segja frá ákærum á Trump, sem hafa þó engan annan tilgang en að aftra honum að sækjast aftur eftir forsetaembættinu.

Guðjón E. Hreinberg bloggari segir að siðmenning sé fallin. Veit ekki af hverju hann tala um siðmenningu því hugtakið kom upp á nýlendutímanum og notað til að gera lítið úr íbúum nýlendna. Hið rétta er að vestræn menning er kolfallin eigi hún að byggja á lýðræðislegum þáttum. Stórfrétt Twitter uppljóstranna er einmitt sú að við búum ekki við lýðræði heldur eru stofnanir sem hafa eftirlit með okkur og ákveða hvað sé viðeigandi í hinu svokallaða lýðræði.

Almenningur hefur í raun afskapalega lítið val. Við megum ákveða hvað við borðum (ennþá), við hvað við vinnum (ennþá), hvenær við förum að sofa og stunda afþreyingu (ennþá), hvernig bíl við kaupum og notum (ennþá), hvernig föt við notum (ennþá) og þar fram eftir götunum.

Njótið þess meðan getið!

Rúv sinnir illa menningarhlutverki sínu

Þrátt fyrir að fá sífellt meira af fjárlögum og geta selt auglýsingar þá sinnir Rúv illa menningarhlutverki sínu. Samt er það mjög skýrt í lögum að það stofnunin eigi að sinna mennningu lands og þjóðar.

Ef starfsmenn væru ekki svona uppteknir af pólitík þá væri kannski von.

Ein afsökun fyrir að fara ekki á útihátíðir er að það sé svo dýrt. Það á einnig við um að sýna leikrit eða af tónleikum. Hvernig fór þá stofnunin að gera það áður fyrr. Er mikilvægara að streyma af tónlistarhátíð í Danmörku en af útihátíð á Íslandi?

Lögin er mjög skýr um hlutverk stofnunarinnar en forgangurinn alveg kolrangur.

N4 hefur sinnt þessu menningarhlutverki Rúv fyrir mun minni pening og mun betur. Þannig að hugmyndin á bakvið styrkinn er mjög góð en hefði kannsk mátt fá meiri umræðu í þjóðfélaginu.

Styrkurinn kominn til vegna bágborinnar umfjöllunar Rúv