Afarkostir ekki góð stjórnun

Að halda því fram að eitthvað sé óumflýjanlegt er að setja afarkosti og það er ekki góð stjórnsýsla. Kílómetragjaldið er auðvitað ekkert annað en landsbyggjaskattur sem hygglir innflytjendum matvara, lækkar gildi unnins sjávarfangs og verður varla til þess sð eldsneytisverð lækki samhliða að fullu. Líklega mun enginn fylgjast með því og menn yppa öxlum þegar búið er að hækka álögur á almenning.

Varðandi eldsneytisverð víst hætta á olíugjaldi og einhverju fleiru þá ætti það að þýða lægri skattar séu á eldsneytisverð. Fáum við þá breytilegra verð í takt við heimsmarkaðsverð?

Fíflagangur fjármálaráðherra, sem enginn kaus, er enn meiri að hann boðar að taka þetta upp um mitt ár í stað þess að fylgja fjárlögum um áramót. Þetta sýnir svart á hvítu að kílómetragjald á að skila meiru í ríkiskassann sem þýðir hærri skatta á almenning.

Þessi ríkisstjórn hefur sett íslandsmet í heimsku á fyrstu dögum sínum og heldur áfram að bæta um enn betur. Ráðherrar virðsta í engum takti við samtímann.

Segir kílómetragjald „óumflýjanlegt“

Ofmat á getu Kínverja

Mér er hefur alltaf þótt vera verulegt ofmat á getu Kínverja sem stórveldi. Vissulega hefur verið hagvöxtur í mörg ár, líkt og í Japan á sínum tíma, en samt sem áður hrundi Japanska kerfið. Það sama mun gerast fyrir Kínverska kerfið og tvær stórar ástðæður er fækkun Kínverja og aldurssamsetning. Fleiri þættir eins og frumkvæði og frelsi til athafna aftrar landinu að stækka almennilega.

Þetta endurspeglast í fjárfestingaleiðinni Braut og belti þar sem Kína lánaði löndum til framkvæmda. Margt af þessum framkvæmdum eru bara alls ekki góðar og óvíst um endurheimtu. Málið með Kína og þótt hafir lánað út um allar trissur þá þarf að endurheimta féið og ef það gengur illa hver á þá að lána þér?

Stjórnarfarið í Kína er þannig að frumkæði er drepið. Hin ósveigjanlega hlýðni skilar ekki nýjungum en vissulega getur mannað verksmiðjur. Þar stendur nefnilega hnífurinn í kúnni hvernig ætlarðu að koma með nýjungar þegar svo fáir þora að koma með þær. Nýjungar vaxa ekki af ríkisfyrirtækjum heldur koma margar sjálfssprotnar þegar fólk sér tækifæri. Ríkisfyrirtæki þarf ekki aukin tækifæri þegar vel gengur og hefur yfirtekið markaðinn.

Ríkisstjórn Íslands vill einmitt fara í svona umhverfi því ESB stefnir nákvæmlega sömu leið. Kannski verður umpólun víst Bandaríkjamenn eru að slá á putta ESB landa og sýna þeim fram á hversu berskjölduð þau eru.

Indland er samt það land sem hefur miklu meiri möguleika en Kína.

Eru öruggt að örplast sé að skaða okkur

Ein helsta umræða í umhverfisvernd er örplast. Eitthvað sem enginn sér en hægt er finna með smásjá. Örplastið hefur verið sagt fara í fiskistofna og þaðan í blóð hjá fólki. Gott og vel alveg möguleiki á að sé satt en hefur það einhver áhrif á líf fólks, það er ekki sannað.

Sá grein sem vestrænir fjölmiðlar myndu ekki birta þar sem efast er um að örplast hafi einhver áhrif á fólk. Ef það hefur áhrif þá hefur trjáagnir líka áhrif á fólk en það vill svo til að framleitt er 3x meira úr trjám en framleitt er af plasti.

Sem fær mann til að hugsa hvort plast sé yfir höfuð svona mikið vandamál. Ekkert frekar en jarðeldsneytið sem á að vera drepa okkur samkvæmt orðræðunni. Það liggja í raun engar sannanir fyrir því að plast sé svona vont. Það rétta er að plast tekur lengri tíma að brotna niður í jarðvegi og hluti plastsins er ekki rétt urðaður eða brenndur. Það er því miklu meira umhverfismál heldur en örplast.

Pólitíska orðræn um plast, eins og jarðeldsneyti, er einhliða og á vafasömum forsendum. Þar er gefið sér ein niðurstaða sem oft er fengin í frekar ýktum aðstæðum. Gæti mögulega átt sér stað en ekki fyrir víst.

Sem dæmi þá kemur líklega mest af örplast úr þvottvélum þegar föt eru þvegin.

Af hverju er það ekki í forgrunni umræðunnar frekar einhverjir plastpokar eða plastumbúðum?

Pólitísk orðræða sem tekur "vísindi" sem sönnun er ekkert annað en afvegleiðing eða áróður. Helst illa saman við raunveruleg vísindi og telur sig vita hinn eina sanna sannleika, eitthvað sem vísindin samþykkja ekki.

Spillingafnykur Samfylkingarinnar

Að undanförnu hefur mikið verið rætt um aðför af flugvellinum og greiðslur til stjórnmálaflokka. Í þessum umræðum er Samfylkingin miðdepillinn sem skýlir vanhæfum embættismönnum.

Nú er ljóst að flugvöllur er í raun ekki starfshæfur því að lágmarki þarf tvær brautir. Samt er málið látið rekast þannig áfram að ekki er hægt að fella nokkur tré til að viðhalda flugöryggi. Í sjálfu sér færðu ekkert verri lund þarna þótt tréin fari. Annar stór vandi í Öskjuhlíð (á við um Heiðmörk líka) er að engin grisjun á sér stað. Þetta fær að vaxa án allra afskipta sem gerir það að góðum eldsmati. Þetta virðat hvorgi embættismenn né kjörnir fulltrúar sjá. Vanhæfnin er slík eða er það spilling?

Fjárframlög til stjórnmálaflokka afgreiddi ráðherra Samfylkingarinnar (sem ekki var kosinn) að væri í góðu lagi. Sem betur fer ætla samtök skattgreiðenda að kæra það og vonandi ratar það til dómsstóla.

Lítið hefur farið fyrir annarri kæru. Nú vill svo til að heilbrigðisráðherra var fyrrverandi landlæknir og það liggja fyrir nokkrar kærur sem gerir hana vanhæfa að sjá um. Af illri nauðsyn þá sá Samfylkinin þann besta kost að láta samráðherra (Jóhann) úr sama flokki sjá um málin. Já þið lásuð rétt samrflokksmann! Hvernig getur slíkur maður verið hlutlaus? Að halda því fram að hann geti tekið á málum af hlutlægni er ekkert annað en skemmt epli.

Alma átti auðvitað aldrei að verða heilbrigðisráðherra og nægir það að nefna þessar kærur. Að stjórnsýslan ætli að leyfa framkvæmd mála að vera á þennan hátt heitir á flestra máli spilling. Það er algerlega borin von að samflokksmaður eða samráðherra í ríkisstjórn geti verið hlutlaus gagnvart fyrri störfum samflokksmanns.

Hvernig þessi skandall hefur farið framhjá almenningi má auðvitað skrifa á vita vonlausa fjölmiðla.

Samfylkingin reynir að afvegaleiða þing og þjóð

Lágt er nú risið á Samfylkingunni eða réttara sagt forustunni. Með því að breyta ræðunni án þess að láta aðra þingmenn vita og síðan saka um lygar. Hversu lágt getur Samfylkingin eiginlega lagst?

Segi það enn og aftur tækifærissinnar eiga ekki að stjórna.

Jóhann er nú svo skyni skroppinn að hann hótar að hækka veiðileyfagjöld og heldur að á sama tíma lækki það verðbólgu. Líkegast er að slík aðgerð hafi þveröfug áhrif og hækki eða viðhaldi verðbólgu. Hjá Samfylkingunni þá virðast þeir halda að aðgerðir hafi engin áhrif. Það komi bara jákvætt út úr framkvæmdum. Það nægir að horfa á þéttingastefnuna í borginni til að sjá að allt hefur afleiðingar.

Með því að hækka veiðileyfagjöld þá mun það líklega hafa áhrif á gengið þar sem minna fæst fyrir aflann. Ekki er hægt að hækka verðið eins og innflytjendur stunda grimmt. Með því að gengið lækki þá þurfa innflytjendur að hækka verð og já það hækkar verðbólgu. Öflugasta leiðin til að lækka verðbólgu er að skera niður ríkisapparatið.

Af hverju birtist það svona oft að Samfylkingin virðist ekki skilja hagfræði.

Vill að Jóhann Páll gangist við mistökum

Illlæs Samfylking

Í nýjustu vendingum í heimsmálum þá virðist Samfylkingin vera illlæs og úti á túni. Sjá má viðtal við Ingibjörgu Sólrúnu og Pawel um þessi mál. Í stuttu máli þá virðast þau jafnlæs og krakkar í Pisa könnunum og hreinlega lesa illa í breytingar á heiminum.

Þannig er vitnað í sífellu í Ingibjörgu um alþjóðastjórnmál þótt hún eigi einungis við um stjórnmál á Vesturlöndum. Þau eru hissa að Trump hafi skrúfað fyrir USAID og nefna einhver lönd sem lenda í vandræðum með heilsugæslu vegna þess að stuðningur hafi haldið henni uppi. Verulega skýrt dæmi um hvernig svokölluð þróunarhjálp gerir lítið annað en gera löndin háð gefandanum. Hvers vegna var ekki markvisst unnið að því að gera þau sjálfbær og sjálfstæð í að bjarga eigin heilbrigðismálum?

Þróunarhjálp gegnur ekkert út á sjálfbærni eða kenna þjóðum að bjarga sér sjálf. Þetta gengur út á að viðhalda völdum og halda þeim sem er verið að bjarga niðri. Stundum lítur þetta út eins og arðrán en oftast að gera löndin svo háð bjargráðinu og þau styðja skilyrðislaust. Sem á mannamáli þýðir að við ráðum yfir þér. Í þessu samhengi hafa Sameinujóðirnar verið óspart notaðar eða réttara sagt misnotaðar.

Frægast dæmi um þróunaraðstoð er LiveAid þar sem innan við þriðjungur fjársins fór í raun í að aðstoða hungraða. Með því að skrúfa fyrir og gefa dæmi um hvað hefur verið að styðja sýnir í raun hversu misnotað kerfið er. Tilgangsleysi þess og hvernig það gerir lítið til að þróa ástand landa í aðra átt en staðan er hjá þeim.

Miðað við þetta viðtal þá er Samfylkingin illlæs á breytingar í alþjóðamálum og það t.d. að ekki sé nefnt orð um BRICS sem allt sem segja þarf. Ekki bætti úr skák að nefna að halla sér að ESB gæti hjálpað en auðvitað fylgdi ekki sögunni hvernig það hjálpar.

Algert heimaskítsmát í læsi á stjórnmál í heiminum.

Yfirklór spilltrar stjórnar

Niðurstaðan um að Flokkur fólksins þyrfti ekki að endurgreiða styrkina kemur ekki á óvart. Skýringin er hefðbundið yfirklór um að fleiri hafi fengið styrk þótt Flokkur fólksins hafi verið sá eini sem var skráður sem félagasamtök.

Þegar öryrkjar þurfa að endurgreiða eða hjá Skattinum þá þarf sá að senda inn greinagerð til stuðnings sínu máli. Flokkur fólksins sleppur algerlega við allt slíkt, í því felst spilling. Sama verklag á að eiga við alla ef jöfnuður á að vera.

Kjósendur féllu fyrir fagurgala um plan og nýja hluti en fá einungis enn verra en það var áður.

Samfylkingin breytist ekkert.

Gervigreindin þaggar niðri í þér

Miðað við hvernig gervigreind hefur verið kynnt undanfarin ár þá þaggar hún niðri í fólki því þetta á allt að vera svo upplýst og auðvelt að setja fram. Í því er falin mesta hættan að setja fram yfirborðskennda hluti sem rista ekki djúpt. Myndin sem sett er fram með fréttinni sýnir þetta vel. Breytt er bakrunni myndar af manneskju á fljótlegan hátt.

Einmitt svo fljótlegt, auðvelt en án innihalds.Það sama á við um textagerð. Þú getur samið lag, ljóð og fleira. Hængurinn er að þetta er allt byggt á fyrri vitneskju og bætir engu við þá vitneskju. Við erum því ekki að skapa neitt nýtt með gervigreindinni heldur einungis að flýta okkur.

Með því erum við að þagga niðri í okkur að skapa ekki nýja hluti heldur endurraða því gamla. Vissulega er þægilegt að láta raða fyrir sig upplýsingum en skapar það auð fyrir marga?

Gervigreind er ekki endilega slæmur hlutur. Hjálpar okkur að forrita hraðar en held að með tímanum þá verði fátt sem hún skilji eftir. Það vantar stökkið í nýja sköpun og umfram allt orku.

Gervigreindin notuð til að breyta myndum

Hvernig á að spara þegar hin hendin vill eyða?

Yfirborðskennda planið er loks látið í ljós, eins rýrt og það er. Fyrsta setningin er bráðaaðgerðir í húsnæðismálum (eyðsla) en næsta setning segir aðhald og engin ný eyðsla nema sparað sé á móti. Hvernig er þá hægt að fara í bráðaaðgerðir?

Svo kemur eyðslan með hækkun í fæðingaorlofskerfinu en ekkert nefnt hvað eigi að gefa eftir á móti. Svo á að löggilda einhvern samning frá Sameinuðu þjóðunum sem líklega er óútfylltur víxill.

Svo á að virkja og einfalda verkferla við ákvarðinir um virkjanir sem líklega er ókeypis skv. planinu. Breytingar á veiðigjaldi er auðvitað ekkert annað en hækkun skatta (tekjur til að fela eysluna), ásamt upptalningu á fleiri hækkanir á sköttum.

Fækkun ráðuneyta er bara vasapeningur til að sýnast.

Síðan á að koma þjóðinni í ESB og byrja með bókun 35 sem okkur er sagt að hafi ekkert nema kosti fyrir Íslendinga (þótt það mögulega stangist á við stjórnarskrá). Kostnaðurinn við að halda þjóðaratkvæðargreiðsluna er auðvitað ekki nefndur en hins vegar á að gera fríverslunarsamninga við nokkur lönd (líklega kostar það ekkert). Sem er alger þversögn því ef farið verður ESB leiðina þá falla þessir samingar út. Segir manni bara að bjölluat Þorgerðar er bara eyðsla.

Plan sem á vera svo ofboðslega mikið plan er svo yfirborðskennt að það kemur hvergi fram hvernig eigi að nálgast þessa hluti. Ónákvæmt plan (eins og þetta) er líkegast til að skila litlum árangri.

 

Flokkur fólksins með allt niður um sig

Flokkur fólksins minnir mikið á Pírata flokkinn. Báðir eru stofnaðir eftir hrun og ná inn með að höfða til tilfinninga fólks (popúlismi). Báðir flokkar halda að alþingisstörf séu kaffispjall, annar á kaffihúsi og hinn í eldhúsinu.

Það allra sameiginlegasta er að hvorugur flokkurinn hefur trúverðugleika. Þeir geta vel æmt í stjórnarandstöðu en þegar kemur að stjórn þá eru ákveðnir þættir sem þurfa að vera í lagi. Þeir eru bara alls ekki í lagi hjá Flokki fólksins. Að höfða til tilfinninga fólks getur hjálpað að ná í atkvæði en það hjálpar ekkert við stjórn.

Miðað við þennan rúma mánuð síðan stjórnin var mynduð þá virðast þessir flokkar algerlega vanhæfir í stjórn landsins.

Útgerðarstarf Sigurjóns ekki í hagsmunaskrá