Á að fara í mál við leitarvélar líka?

Það þarf engar deilisíður til að komast yfir efni ólöglega. Þegar slegið er inn í leitavélar þá kemur efnið upp á fjöldann allan af síðum.

Eins og kemur fram í fréttinni þá leitar niðurhalið annað og finnur sér annan farveg. Alveg eins og það gerði fyrst þegar Napster fékk á sig lögbann og var lagt niður. Það fann sér einungis annan farveg.

Það er nefnilega eitt sem gleymist í þessu að talað er um einbeittan brotavilja. Þegar tekið var upp á kassettur í gamla daga þá var það í raun sami vettvangur. Málið var að sá sem tók upp á kassettuna hefði aldrei keypt plötuna hvort eð er. Hvert er þá tapið?

STEF er algerlega að skjóta sig í fótinn og eyðir féi félagsmanna í vitleysu. Það er svona þegar stjórnendur samtaka festast inn í kassa og halda séu að breyta heiminum.

Vaknið!

Elta síðurnar óháð léninu

Skynsemin fram yfir græðgi

Þetta er mikið fagnaðarefni að verktakar skuli sjá að sér og nota skynsemina að hafa jafnt framboð af íbúðum í stað þess að byggja eingöngu stórar íbúðir. Það segir sig nokkuð sjálft að íbúðir með eingöngu 4ja herbergja ganga ekki eingöngu i blokkum sem eru 5-6 hæða enda nóg af slíkum tómum.

Þar sem sveitastjórnir mega ekki skipta sér af því hvernig innviðir blokka eru þá verður að höfða til skynseminnar og vonandi læra verktakar af þessu til frambúðar.

Batnandi mönnum er besta a lifa.

Fjölga smáíbúðum í Úlfarsárdal

Vilja ekki allir lifa á dagvinnulaunum?

Held að læknar hafi heldur betur skotið yfir markið með að birta einungis launaseðil með dagvinnulaunum. Flestir launamenn vilja lifa á dagvinnulaunum en fæstir hafa nógu há laun til þess. Ættu þá 80% landsmanna að fara í verkfall á þeim forsendum að það séu mannréttindi að lifa á dagvinnulaunum?

Læknar geta heldur ekki lengur sagt að þeir séu svo langskólagengnir að það réttlæti hærri laun. Það er fullt af háskólafólki með 5 ára háskólanám að baki sem nær ekki þessum dagvinnulaunum. Á það ekki sama rétt að hækka um 30%?

Held að læknar þurfi all alvarlega að endurskoða forsendur fyrir þessu verkfalli. Samhljómur með samfélaginu þarf að vera til staðar líkt og hjá tónlistakennurum er krafan að vera metnir á sömu launum og kennarar. Réttmæt krafa og alls ekki út úr kortinu eins og hjá læknum.

Læknar verða að koma með betri rök fyrir svona mikilli launahækkun.

 

Upplýsir ekki um heildarlaun

Og hverju breytir það?

Nákvæmlega engu. Það eru svo margar leiðir til að komast að efni að það skiptir engu að loka einni síðu. Miklu nær væri að nota peningana sem fara í málsóknir og leita nýrra leiða til að afla tekna.

Tekjumódelið virkar ekki lengur og því þarf að finna nýjar leiðir en ekki grafa sína eigin gröf.

Hvað ætli næsta deilisíða heiti? Aftur málsókn? Eeeh það er búið að leggja hana niður, komin önnur og önnur og önnur.

Þvílík sóun á fé samtaka. Ætli félagsmenn velti því ekkert fyrir sér?

Vodafone lokar á Deildu og Piratebay

Þinn tími er kominn

Það er eins og sumir átta sig ekki á hvenær þeirra tími er kominn og betra að snúa sér að öðrum hlutum. Hljómsveitin hefur átt farsælan feril en enginn er heilagur og það er ekki hvað sem er leyfilegt þrátt fyrir frægð.

Ég hef einmitt velt fyrir mér af hverju er svona lítil nýliðun í rokk og popptónlist. Þegar horft er á lista yfir hljómsveitir sem eru að spila t.d. á tónlistarhátíðum þá er yfirleitt eitt hundgamalt nafn. Nægir þar að nefna Iceland Airwaves að aðalnúmerið hefur starfað í 30 ár.

Höfum samt á hreinu að þær standa sig alveg þessar gömlu en landslagið er breytt og ungu hljómsveitirnar eiga mun erfiðara uppdráttar enda tekjuhliðin ansi mikið að breytast.

Kannski er tími popp/rokk hljómsveita liðinn og eitthvað annað tekur við.

Trommuleikari AC/DC reyndi að ráða leigumorðingja

Af hverju er nammi ekki í hærra skattþrepinu?

Það furðulega er að vilja leggja á sérstakan sykurskatt þegar mun einfaldara er að setja nammið í hærra skattþrep. Ótrúleg þessi lenska að búa alltaf til nýja skatta þegar mun einfaldara er að gera þetta í gegnum virðisaukakerfið.

Það er samt furðulegt að nammi og gos skuli ekki vera í hærra skattþrepinu. Varla getur nammi og gos talist til matvöru?

Leggja til almennilegan sykurskatt

Athyglisverð niðurstaða

Það sem einna athyglisverðast við þetta er að í flestum evrópuríkjum hefur ástandið versnað og meiri hætta er á að lenda í fátækt en fimm árum áður. Hins vegar er alveg ljóst að Ísland stendur mjög vel gagnvart fátækt og minni líkur en öðrum evrópulöndum, meira segja Noregi.

Sú skýring sem er nærtækust á þessu er að fólk horfi of þröngt á hlutina og taki einungis það besta frá öðrum löndum og það versta frá Íslandi. Þannig færðu örugglega allt aðra mynd. Yfirleitt þegar fólk ber saman í fjölmiðlum (og í samtölum) þá vantar svo margt inn í myndina. Af hverju er fólkið sem flutt hefur til Noregs ekki miljónamæringar? Er það ekki á svo háum launum?

Þar sem ég þekki til er það í flestum tilvikum þannig að vinnutíminn hefur verið skikkanlegri og það hefur verið auðveldara að komast í sólalandaferðir. Hins vegar hefur lífsbaráttan verið jafnhörð og á Íslandi þegar allt er tekið inn.

Þegar upp er staðið þá snýst allt um hvernig unnið er úr því sem til er en ekki miða við eitthvað sem óskandi er.

Minnst hætta á fátækt á Íslandi

Löngu hættur að skilja DV

DV sem miðill hefur aldrei heillað mig en yfirleitt átt inni hjá fólki með helgarútgáfunni enda byggði sú útgáfa lengstum á blöndu afþreyingar og viðtölum. Í tíð síðustu ritstjórnar fór blaðið hamförum í pólitískum undirleik og taldi sig vera boðbera sannleikans áður en nokkur fékk að svara fyrir sig.

Skilgreiningar eins og "götublað" er svona orð sem er gripið án skilgreiningar og segir nákvæmlega ekki neitt. Þýðir það að blaðið eigi að hætta pólitískum áherslum og einbeita sér að skemmta fólki? Er það ekki hlutverk götublaða að geta gleymt sér í hversdagsleikanum og lesa um aðra?

Satt að segja finnst mér oft sem ráðgjöf á Íslandi sé of yfirborðskennd þar sem gleymist að skilgreina af meiri nákvæmni hvað er átt við. Gert er of mikið ráð fyrir að lesandinn sé að hugsa í sömu átt og ráðgjafinn. 

Ef DV vill vera "götublað" þá ætti það að byrja að breyta áherslum sínum og koma með gagnrýnið sjónarhorn á íslenskt mannlíf, pólitík stjórnar og stjórnarandstöðu, og blanda inn í blaðið afþreyingu.

Það er langur vegur frá því í dag.

Veitir bara sumum aðhald, öðrum ekki

Ekkert er fullkomið

Það er alveg ljóst að ekkert er fullkomið og vissulega hljóta að koma upp mistök hjá heilbrigðisstéttum eins og öðrum stéttum. Af hverju þau stafa er engin leið að komast að nema farið sé reglulega yfir ferlið um það sem var gert.

Læknar á Íslandi er mjög mismunandi en ekkert þar með sagt að þeir kunni ekki starf sitt. Frekar er hvort að vinnulag og gagnrýnin vinnubrögð fái að vera uppi á yfirborðinu. Það er engum greiði gerðum með að fara hljótt um læknamistök. 

Réttur sjúklingsins er að mega fara yfir það sem var gert, alveg eins og með aðrar þjónustur. Þannig eiga læknar ekki að hræðast sjúklinga og fara yfir málin með sjúklingum. Stundum er það flókið, mjög flókið, en oft er það einfalt, jafnvel mjög einfalt. 

Það gerist samt ekkert nema þetta sé sett í ferli þar sem hægt er að fara yfir málin. Þöggun er versti óvinurinn.

Þrjú mál í lögreglurannsókn

Hvernig væri að undirbúa raunhæfan kost

Bygging nýs spítala á Landspítalalóðinni er í alls ekki besti kosturinn í stöðunni. Það er í raun fjarstæða að byggja á þeim stað og örugglega dýrara en að byggja við Borgarspítalann.

Kosturinn við að byggja við Borgarspítalann er aðgengið að spítalanum er mun betra og auk þess er spítalinn mun meira miðsvæðis en núverandi staðsetning. Í annan stað hefur verið bent á að jarðlög henta betur undir háa byggingu þar. Ef haldið er til streitu að byggja á Landspítalalóðinni þá versnar umferðin enn meira en nú er og á álagstímum í dag er allt stopp þar. Hvernig heldur fólk eiginlega að það verði ef spítalinn stækkar?

Hvernig væri að það væri tekin ákvörðun um að taka besta kostinn og gera þetta almennilega. Að byggja á Landspítalalóðinni er að sóa peningum þar sem hægt er að gera ódýrara og nýta fjármagnið betur með að öðrum valkostum.

 

Framkvæmdir við nýjan Landspítala hefjast á kjörtímabilinu