Fyrst hugsum við um okkur, síðan slúðrið og loks ...

Fyrst og fremst höfum við áhuga á okkur og það sem snýr að okkur.  Slúðrir á auðveldann aðgang að eyrum okkar og lifir oft góðu lífi. Umhverfið hins vegar er all fjarri flestum. Við hugsum ekki mikið um það þegar við þurfum að fara í búðina á bíl og búðin er í göngufæri.

Sama má segja um lítilmagnann í okkar eigin landi. Almennt erum við ekki mikið að hugsa til hans og viljum heldur heyra hvað ríkustu menn landsins hafa í laun (er það ekki slúður).

Það má segja að þetta séu rétt orð en hvort að þau séu sannfærandi og fái okkur til að hugsa um umhverfið finnst mér harla ólíklegt. 

Gore gagnrýnir áhuga fólks á slúðri

Væri ekki nær að fá stöðugleika í liðsvalið

Benítez er ansi kaupglaður maður og verslar og verslar leikmenn. Síðan vill hann stöðugt vera að róttera í liðinu þar sem hann er með svo stóran hóp. Væri ekki nær að hann sneri sér að því að mynda sterkt 11 manna aðallið með 5-6 varaskeifum.

Spái því að liðunu muni ganga illa næsta vetur og tapi einnig á miðvikudaginn. Einfaldlega ekki nógu góð leið til að skapa almennilega árangursríkt lið.

Liverpool hyggst kaupa marga leikmenn

Auðvitað prófa þetta!

Það er alltaf verið að tala um sparnað á eldsneyti. Af hverju ekki að nýta tímann vel og leggja sig á rauðu ljósi. Kannski verður maður bara úthvíldur þegar heim er komið.

Sofnaði á rauðu ljósi

SMS stjórnin - viðeigandi nafn

Allt þarf nafn og ríkisstjórnir mega ekki vera skyldar út undan. Þar sem þessi stjórn virðist hafa fæðst í baktjalda makki þá finnst mér viðeigandi að kalla hana í takt við tímann SMS stjórnin (lesist: smess stjórnin). SMS er samskipta máti unga fólksins og sá háttur þar sem notandi getur haft samskiptin við aðra þrátt fyrir að vera í miðju samtali.

Stjórnarandstaðan var fljót að gefa til kynna baktjaldamakk af hálfu flokkanna sem nú ræða ríkisstjórana samstarf enda hægðarleikur að senda eitt SMS og brosa framan í viðmælanda sinn. 

Ef þessir flokkar komast að samkomulagi og gera góðan skurk í ráðherraliðinu með því að hleypa yngri og efnilegri að þá gæti þetta orðið spennandi stjórn. Ef hins vegar er farið eftir goggunarröðinni og haldið fast í hefðir þá sé engan mun á þessari stjórn og þeirri stjórn sem sleit samvistum.

Flestir gætu þar með sagt að SMS standi fyrir STERKUR MEIRIHLUTI STJÓRNAR en gárungarnir myndu án efa snúa fljótt út úr og kalla hana SJÁLFSAGT MYGLAR STJÓRNIN. 

Svo er bara að bíða og sjá hvað úr verður. 

Algerlega sammála

Ég get ekki annað en verið algerlega sammála þessu. Þessi kosningabarátta hefur verið með eindæmum leiðinleg. Fjölmiðlar hafa líka lítið gert til að rífa hana upp og verið allt of uppteknir af skoðanakönnunum. Á hinn bóginn má segja að lítill munur sé á flokkunum og engin afgerandi baráttumál sem draga menn í flokka (fyrir utan umhverfismálin).

Sem betur fer er ég búinn að kjósa og því geta umræður eða auglýsingar ekki lengur haft áhrif á val mitt og ég útilokað þessa klisjurnar sem vella út. Óska eftir meira fútti næst. 

Dauf kosningabarátta að mati kjósenda

Hvað um sjónvarpsefni

Er nokkuð sammála með karlpeningin (enda einn slíkur) en ekki viss um að ég gæti horft aftur og aftur á myndirnnar sem konur gefa upp. Stjörnustríðsmyndirnar renna vel í gegn og þegar maður horfir aftur þá er í lagi að standa upp og gera annað án þess að missa neitt úr. Því miður verður ekki sama sagt um 3 myndirnar sem komu síðar.

 En ef hugsað er út í sjónvarpsefni þá myndi ég segja:

1. The Simpsons
2. Black Adder
3. Twin Peaks (fyrstu 12 þættirnir)
4. X-files (sérstaklega 2 serían)
5. Family Guy

Svo ef farið væri út í myndirnar :

1. Star Wars
2. Lord of the Rings
3. Blade Runner
4. It's a wonderful life
5. Citizen Kane 

Geta horft aftur og aftur á Stjörnustríðsmyndirnar

Er komin örvænting í samfylkinguna?

Svo virðist sem að Samfylkingin sé ekki að fá neinn almennan hljómgrunn og því er brugðið á frekar örvæntingarfull ráð að biðla til barnafólks, öryrkja, aldraðra o.s.frv. Frekar léleg leið þar sem enginn sannfæring fylgir ímynd þeirra. Ef formaðurinn væri ekki upphafið svona mikið (án þess að hafa unnið fyrir því) þá ætti flokkurinn möguleika að auka fylgi sitt. Það er enginn jöfnuður falinn í því að upphefja einn einstakling og restin hlýðir eins og góðir hvolpar.

Vonandi nær þessi flokkur að koma einhverju að viti frá sér á næstu árum en nú eru þeir greinilega alveg út að aka.  

Samfylkingin vill tryggja börnum og öldruðum á biðlistum örugga þjónustu

Aldeilis tíðindi

Ljóst er að upplýsingaveitur eru að skríða fram úr hugbúnaðinum sem eru tíðindi. Fyrst missti Coca-Cola toppinn til hugbúnaðarfyrirtækis sem síðan missir það til upplýsingaveitu. Með þessu má segja að netið sé að stimpla sig inn sem vörumiðill og einokun Microsoft beðið hnekki. Við erum að sigla inn í nýja tíma í viðskiptum þar sem vöruskiptin eru ekki áþreifanlegir hlutir. Tímamót sem vert er að minnast.

Google orðið verðmætasta vörumerki heims

Einfalt og skilvirkt

Frábær leið til að minnka líkur á ofnæmi hjá börnum en því miður fjölgar fólki með ofnæmi. Þannig er hægt að sníða matinn betur að þörfum heildarinnar eða hafa sérskammta fyrir börn með ofnæmi. Eitthvað sem alveg væri hægt að setja inn í mötuneytis fyrirtækjum.

Meira af svona hlutum. 

Þúsundþjalasmiður

Heimurinn fyrir utan

Var bent á frábæra vefsíðu sem sýnir myndir úr Arabaríkjum sem er öðruvísi en stríð og hörmungar. Þar er sýnt brosandi og hamingjusamt fólk. Mér finnst alltaf stórkostlegt þegar maður rekst á svona hluti. Hefur stundum ratað í fjölmiðla hér greinar um lífið frá þessum löndum en yfirleitt fer lítið fyrir þeim. Þess vegna er svo gaman að skoða þessar myndir og njóta þess að þessi lönd hafa upp á margt að bjóða ef við leitum eftir því. Slóðin er http://www.verdenudenfor.com