Umsókn send inn 2009 - kann engin orð yfir vonbrigðin

Helgi var ekki þingmaður í tíð síðustu ríkisstjórnar en sú ríkisstjórn fannst í góðu lagi að senda inn umsókn án þess að spyrja þjóðina. Allt í einu núna þegar umsóknin er dauð þá er svo rosa mikilvægt að alþingi og þjóðin eigi að hafa orðið.

Hvers lags skrípaleik er hægt að búa til þegar nóg af málefnum er til að fjalla um. Það er eins himnarnir hafi hrunið við þennan pólitíska leik ríkisstjórarinnar í gær.

Smá fréttir fyrir þig Helgi. Það gerðist ekkert merkilegt nema að ríkisstjórnin tilkynnti ESB að þeir vildu að Ísland væri tekið af lista sem umsóknarríki. Umsókn sem hefur ekkert pólitískt bakland né þjóðina á bakvið sig. Auk þess fylgdi með að sé vilji til að ganga þessa leið (pólitískt landslag breytist og þjóðin skiptir um skoðun) þá kýs þjóðina um að fara þá leið.

Píratar eiga að vera sjálfir sér samkvæmir og viðurkenna að þetta er ekki þeirra umsókn en Helgi er einmitt að halda því fram. Nema hann sé svo barnalegur að halda að þetta séu viðræður en ekki innlimun í ESB.

Er ekki kominn tími á að sinna málum sem skipta þjóðina máli?

Kann engin orð yfir vonbrigðin

Svefnvenjur mismunandi hjá fólki

Það hefur engin rannsókn svo ég viti til geta sýnt fram á að 7-8 tíma svefn sé nauðsyn fyrir fólk. Hins vegar hafa fjölda rannsókna sýnt að svefnvenjur fólks eru mjög mismunandi og sumir geta sofið 4 tíma á sólahring meðan aðrir þurfa 8 tíma.

Það er því engan veginn hægt að slá því föstu að fólk eigi að liggja í fleti sínu 7-8 tíma til að uppfylla einhverja ímyndaða þörf um svefn. Að vakna klukkan 6 er mjög heilbrigt og langt frá því að skaða heilsu fólks.

Það eru mörg þekkt dæmi í sögunni um fólk sem svaf lítið og kom miklu í verk. Vissulega vakti meira en aðrir og gat haldið sig við efnið. Þannig að fólk hefur fullan rétt til að stýra sínum svefn eins og það vill.

Af hverju má hver og einn ekki finna þetta hjá sér?

Stærir sig af stuttum svefni

Stórkostlegt

Í stað þess að eyða tíma alþingis í vitleysu og jarm um einhverja fáránlega þjóðaratkvæðagreiðslu þá gerði ríkisstjórnin það skynsamlegast í stöðunni - einfaldlega tilkynnti að Ísland væri ekki lengur umsóknarríki.

Varla er hægt að sjá að neitt sé að þessu enda leiðangur sem er kominn algerlega á endastöð og engin leið að vekja aftur upp. Íslendingar eru ekki tilbúnir í þetta samband, sem betur fer.

Gott að vita að þetta er komið að endapunkti. Ef einhver vill vekja upp drauginn þá þarf að spyrja þjóðina.

Ísland ekki lengur umsóknarríki

Hvað með hin norðurlöndin

Það er þekkt að raftæki séu ódýrust í Noregi af norðurlöndunum. Að taka svona eitt dæmi út og slá sem einhverju merkilegu gengur illa upp. Einhverja hluta vegna eru Norðmenn duglegir að ná verðinu niður og það væri miklu nær að athuga hvernig farið er að því heldur að slá upp svona fyrirsögnum.

Kannski á þetta að vera skot á Elko þar sem þeir tengjast stærri verslunarkeðju undir sama nafni. Það er samt þekkt að mismunandi verð eru á milli landa og því svona samanburður frekar kjánalegur.

Fáum samanburð í stærra samhengi, með fleiri löndum, og sjáum þá hvar við stöndum.

Nær helmingi ódýrari í Noregi

Að fara sér ekki of geyst

Þetta er enginn smá vöxtur sem þeir spá hjá sér á einu ári. Hef ekki flogið með Wow en flaug með Iceland Express á sínum tíma og það var fínt. Hins vegar er engu fyrirtæki hollt að vaxa um of og samkvæmt öllum hagfræðikenningum þá fellur það oft jafn hratt sem vex mjög hratt.

Icelandair er dæmi um sem óx jafnt og þétt en Wow ætlar sér stóra hluti. Ekkert að því og gott að eiga stóra drauma.

Farið hægt inn um gleðinnar dyr og vonandi gengur þetta hjá þeim.

Reiknar með 65% vexti í ár

Birtingamynd reddingahugarfarsins

Þetta er alveg týpísk mynd hugarfarsins, sem er mjög ríkjandi í pólitík, að redda hlutum. Með því að styðja einstæðinga, sem oft er mikil þörf fyrir, þá er einhver annar hópur sem verður útundan.

Það er sífellt meir að koma í ljós hvernig feður verða útundan í kerfinu og að einstæðir karlmenn hafa það oft ótrúlega slæmt.

Þessi birtingamynd um að karlar bjargi sér er byggð á gamalli ímynd um Ísland sem vissulega átti frekar við fyrir 30 árum. Í dag er landslagið allt annað og langt því frá að karlar séu betur staddir en konur.

Við það má bæta að samfélagið krefst mun meira af karlmönnum að sinna uppeldi en fyrir 30 árum. Löggjöfin gerir engan veginn ráð fyrir því og kerfið horfir enn út frá augum kvenna.

Hvernig væri að einhver jafnréttissinni á þingi tæki upp þetta mál?

Bara barnslausir pabbar úti í bæ

Vekur upp spurningar

Útlistun á hugmyndinni bakvið moskuna vekur upp margar spurningar og hvort það standist íslenskum lögum.

Til að mynda er gert ráð fyrir kynskiptri skógeymslu í andyrri. Hvað með alla jafnréttisbaráttu kvenna á Íslandi. Skiptur hún allt í einu engu máli? Eiga trúarbrögð nokkuð að gera upp á milli fólks, hvað þá kynja?

Í annan stað er gert ráð fyrir 16 stæðum plús tvö fyrir fatlaða. Hins vegar er gert ráð fyrir 100 manna veislusal og salernisaðstöðu fyrir 300 manns. Hvað er verið að segja þarna. Að gestir moskunnar megi ekki koma á bíl? Hvað gerist þegar 100 manna veisla er og það koma 30 bílar?

Húsið er stærra að umfangi en parhús. Umhverfislega er of naumt skammtað af stæðum. Með öðrum orðum þá koma gestir með strætó eða gangandi. Sem mögulega þýðir að gestir moskunnar vilji flytja í hverfið. Hvaða afleiðingar getur það haft?

Þetta er sett fram til að geta rætt af virðingu og vinsemd en ekki af upphrópunum. Hins vegar er ekki hjá því komist að reka augun í þetta misræmi. Þarf ekki að skoða betur skipulagslýsinguna?

Svona verður moskan

Hvað með þá sem veita þjónustuna?

Þetta er skynsöm yfirlýsing enda engan veginn gerlegt að halda utan um þennan náttúrupassa. Íslendingar gætu borgað þetta með sköttunum sínum líkt og til RÚV og í framkvæmdasjóð aldraðra en hvað með útlendingana.

Þau fyrirtæki sem eru að þjónusta útlendingana ættu auðvitað að koma með lausnir að þessum málum. Vandamálið með ferðamennskuna er hins vegar fjöldi smárra fyrirtækja. Þetta eru svo lítil fyrirtæki að þau eru ekki burðug til að borga sérstaklega. Þau eru einnig svo lítil að líklegra en ekki finnst þeim vont að rukka sérstakan skatt á þá sem þeir þjónusta. Hver ætlar að sjá um eftirlitið með því og hver eru viðurlögin?

Þetta virðist flókið mál þar sem fátt er um svör. Þessi hugmynd um náttúrupassa virðist ekki fá góðan hljómgrunn og réttast væri að draga hana til baka en er til einhver góð hugmynd?

Náttúrupassi nær ekki tilganginum

Ekki benda á mig ...

Segir Illugi með vísan í að það hafi verið ákveðið í tíð síðustu ríkisstjórnar að ganga þessu leið. Málið er Illugi að nú ert þú menntamálaráðherra og sé vilji til að breyta þessu þá gerirðu það.

Hins vegar er vandamálið ekki endilega fast við LÍN. Þegar setið er í óskiptu búi þá virðist þurfa að upplýsa betur hvað er átt við. Í dag eru þá flestir upplýstir um hvað gerist við að vera ábyrgðamaður á skuldum hjá LÍN.

Í lögum segir að skuldir erfist ekki eftir að bú er uppgert. Þegar bú er ekki uppgert þá erfist vissulega skuldin því ákveði eftirlifandi að halda úti skuld þá dettur ábyrgðin ekki út. Slíkt er ekki einskorðað við LÍN.

Lausnin: Vertu upplýstur.

Komið á í tíð síðustu stjórnar

Sjálfteknar verðkannanir matvöruverlsana

Kostur hefur undanfarið sent út auglýsingar þar sem borið er saman verð hjá þeim á móts við Bónus og Krónuna. Niðurstaða þeirra er að þeir séu ódýrastir en hvetja um leið að gera sína eigin könnun.

Vissulega er þetta ekki hlutlaus könnun og ekki fylgja upplýsingar um framkvæmdina. Þótt við sjáum tíma á strimli þá vitum við ekkert um hvort að fyrr um daginn hafi verið gerð könnun á verði.

Burt séð frá slíkum augljósum vanköntum á verðkönnun þá fellur Kostur samt í pytt blekkingarinnar. Jú með því að hafa ekki sambærilegt magn á þeim vörum sem keyptar eru. Varla þarf að minnast á gæði sem erfitt er að meta.

Samkvæmt auglýsingu og keyptum vörum þá kostar vörur í Bónus og Krónunni yfir 5000 kr. en undir því hjá Kosti. Munurinn milli hæsta og lægsa (Krónan/Kostur) er 361 kr. Við nánari skoðun þegar magn er uppfært til samræmis milli verslana þá kemur allt í einu í ljós að Kostur er kominn yfir 5000 kr og munur milli hæsta og lægsta (Bónus/Kostur) er 180 kr.

Við nánari skoðun verður Krónan þannig ekki dýrust þó það sé sett fram í auglýsingunni. Kostur heldur áfram að vera ódýrast miðað við innkaup en verðið er í raun hærra en gefið er upp.

Það getur vel verið að svona auglýsingar virki en þær eru samt blekking og neytendur eiga betra skilið.